+20 °С
Болытлы
Гәзиткә язылуVKOKTelegram
Барлык яңалыклар
Новости
16 февраль 2016, 02:00

“Кул кысышу” башланды!

Кичә Уфада “Кул кысышу” халыкара кинофорумы башланды. Бу уңайдан “Башинформ” мәгълүмат агентлыгында “Яһүдләр милли-мәдәни автономиясе” оешмасының генеральный директоры Евгения Михалева, “Список Киселева” фильмы авторы, кинопродюсер Яков Каллер, кинофорумның оештыру комитеты рәисе Элла Митина, Русия кинорежиссеры Артем Темников һәм Һиндстан кинорежиссеры, продюсер Сарфраз Алам журналистлар белән очрашты.

Чара илнең алты шәһәрендә — Уфада, Ярославльдә, Казанда, Дондагы Ростовта, Симферопольдә, Мәскәүдә узачак. Өч көн дәвамында тамашачы бушлай нәфис һәм документаль фильмнар карый һәм алар буенча фикер алышуларда катнаша алачак. Кинофорум Бөек Ватан сугышы елларында 218 яһүдине фашистлардан коткарган башкортстанлы Николай Киселевка багышлана. Чара герой хакындагы “Список Киселева” фильмы белән башланса (режиссеры — Юрий Малюгин), калган 17 картина да халыкара татулыкны, милләтләр бердәмлеген ныгытуны нигез итеп алган. Форум кысаларында Сарфраз Алам һәм Артем Темников белән очрашулар, Николай Киселевның туган ягына (Благовещен районы, Богородское авылы) сәяхәт кылу, “No comment” фильмы буенча фикер алышу (режиссер Артем Темников) каралган.
Читайте нас: