+21 °С
Болытлы
Яңалыклар
7 сентябрь 2016, 21:00
Ике сөенеч берьюлы килде!
Караидел районында яңа муниципаль комплекс ачылды.Бу көнне Яңа Муллакай авылында күптән көткәннәр иде. Һәм менә, ниһаять, ул көн килде – 1нче сентябрь авыл халкы өчен икеләтә бәйрәмгә әверелде. Бу көнне биредә бер түбә астында 60 урынга мәктәп һәм 25 урынлык балалар бакчасы файдалануга тапшырылды.
Әйтергә кирәк, муниципаль мәгариф челтәрен оптимальләштерү – укучылар саны кимегән шартларда ресурсларны нәтиҗәлерәк файдалануның бер юлы, шуңа да республикада әлегедәй комплекслар төзү тәҗрибәсе киң таралды. Мәктәп булса, авыл да яши, ә андый авылларда сабыйлар да туып тора, яңа эш урыннары да булдырыла. Яңа Муллакай авылы биләмәсе районда нәкъ шундыйлардан исәпләнә, чөнки монда малтабарлык үсеш ала, яңа эш урыннары булдырыла, дөньяга балалар аваз сала, димәк, яңа мәгариф учреждениесенә ихтыяҗ кимеми.
Яңа Муллакай мәктәбе 1964 елда төзелгән була. Ярты гасыр аз вакыт түгел, шуңа да мәктәп шактый таушалган иде. Шушы хәл-шартларны күз уңында тотып, былтыр аны сүтәргә һәм яңасын төзергә карар ителде. Төзелеш тиз барды, чөнки андагы эш барышында заманча технологияләр кулланылды, нәтиҗәдә, уку йорты бүген барлык мәгариф стандартларына һәм таләпләренә җавап бирә. Алай гына да түгел, уку кабинетлары заманча корылмалар белән яхшы итеп җиһазландырылган, аның кайбер төрләре хәтта шәһәр мәктәпләрендә дә юк. Хәзер 1,5 мең квадрат метр мәйданлы һәм 90 миллион сумга төшкән зур, якты, уңайлы комплекста укучылар һәм мәктәпкәчә яшьтәге балалар өчен бөтен шартлар да тудырылган: иркен класслар, спорт залы, ашханә һәм башка хуҗалык бүлмәләре күзнең явын алып тора.
Яңамуллакайлыларның шатлыгын уртаклашырга бу көнне республиканың мәгариф министры урынбасары Айбулат Хаҗин, район хакимияте башлыгы Илдар Гарифуллин һәм шушы төзелешне башкарып чыккан “Геострой” җәмгыятенең генеральный директоры Рөстәм Хаҗиев килгәннәр иде. Аларны бәйрәмчә бизәлгән бина янында мәктәп укучылары, аларның үзләреннән дә ныграк шатланган ата-аналары, укытучылар коллективы каршы алды.
– Бүген авыл халкы, аның төрле буын вәкилләре берьюлы ике бәйрәм тантанасын билгели, – диде район хакимияте башлыгы Илдар Вил улы. – Шушы уңайдан укытучылар коллективын, укучыларны һәм аларның әти-әниләрен ихлас котлыйсым килә. Шушындый комплекслар киләчәктә мәктәпкәчә һәм башлангыч белем бирү мәгариф программаларының бурыч һәм максатлары күчәкилүчәнлеген гамәлгә ашырырга мөмкинлек бирәчәк, дип уйлыйм. Ул, шулай ук, берләштерелгән мәгариф учреждениеләренең интеллектуаль һәм матди-техник ресурсларын файдалануның нәтиҗәлелеген арттырачак.
Әйтергә кирәк, бу төзелешкә “Геострой” җәмгыятенең төзүчеләр бригадасы кул һәм акыл көчен генә түгел, күңел җылысын да салган. Аның генеральный директоры Рөстәм Дарик улы педагогларга һәм балаларга котлау сүзләрен җиткерде, аларны төзүчеләр хезмәтен тиешле бәһаләргә, белем учагының кадерен белергә, аңа сакчыл карашта булырга чакырды.
Мәктәпнең символик ачкычын аның директоры Олег Лаптевка тантаналы рәвештә тапшырганнан соң, кунаклар һәм балалар, ата-аналар мәктәпкә үтте, андагы искиткеч уңайлы шартларны күреп куанды. Бу көнне яңа мәктәп коридорларында яңгыраган беренче кыңгырау чыңнары укучыларны белем дөньясына чакырды.
Яңа Муллакай мәктәбе 1964 елда төзелгән була. Ярты гасыр аз вакыт түгел, шуңа да мәктәп шактый таушалган иде. Шушы хәл-шартларны күз уңында тотып, былтыр аны сүтәргә һәм яңасын төзергә карар ителде. Төзелеш тиз барды, чөнки андагы эш барышында заманча технологияләр кулланылды, нәтиҗәдә, уку йорты бүген барлык мәгариф стандартларына һәм таләпләренә җавап бирә. Алай гына да түгел, уку кабинетлары заманча корылмалар белән яхшы итеп җиһазландырылган, аның кайбер төрләре хәтта шәһәр мәктәпләрендә дә юк. Хәзер 1,5 мең квадрат метр мәйданлы һәм 90 миллион сумга төшкән зур, якты, уңайлы комплекста укучылар һәм мәктәпкәчә яшьтәге балалар өчен бөтен шартлар да тудырылган: иркен класслар, спорт залы, ашханә һәм башка хуҗалык бүлмәләре күзнең явын алып тора.
Яңамуллакайлыларның шатлыгын уртаклашырга бу көнне республиканың мәгариф министры урынбасары Айбулат Хаҗин, район хакимияте башлыгы Илдар Гарифуллин һәм шушы төзелешне башкарып чыккан “Геострой” җәмгыятенең генеральный директоры Рөстәм Хаҗиев килгәннәр иде. Аларны бәйрәмчә бизәлгән бина янында мәктәп укучылары, аларның үзләреннән дә ныграк шатланган ата-аналары, укытучылар коллективы каршы алды.
– Бүген авыл халкы, аның төрле буын вәкилләре берьюлы ике бәйрәм тантанасын билгели, – диде район хакимияте башлыгы Илдар Вил улы. – Шушы уңайдан укытучылар коллективын, укучыларны һәм аларның әти-әниләрен ихлас котлыйсым килә. Шушындый комплекслар киләчәктә мәктәпкәчә һәм башлангыч белем бирү мәгариф программаларының бурыч һәм максатлары күчәкилүчәнлеген гамәлгә ашырырга мөмкинлек бирәчәк, дип уйлыйм. Ул, шулай ук, берләштерелгән мәгариф учреждениеләренең интеллектуаль һәм матди-техник ресурсларын файдалануның нәтиҗәлелеген арттырачак.
Әйтергә кирәк, бу төзелешкә “Геострой” җәмгыятенең төзүчеләр бригадасы кул һәм акыл көчен генә түгел, күңел җылысын да салган. Аның генеральный директоры Рөстәм Дарик улы педагогларга һәм балаларга котлау сүзләрен җиткерде, аларны төзүчеләр хезмәтен тиешле бәһаләргә, белем учагының кадерен белергә, аңа сакчыл карашта булырга чакырды.
Мәктәпнең символик ачкычын аның директоры Олег Лаптевка тантаналы рәвештә тапшырганнан соң, кунаклар һәм балалар, ата-аналар мәктәпкә үтте, андагы искиткеч уңайлы шартларны күреп куанды. Бу көнне яңа мәктәп коридорларында яңгыраган беренче кыңгырау чыңнары укучыларны белем дөньясына чакырды.
