+25 °С
Болытлы
Гәзиткә язылуVKOKTelegram
Барлык яңалыклар
Новости
26 июль 2017, 13:48

Татар конгрессының 25 еллыгына китап чыкты

Бөтендөнья татар конгрессының VI съездына кадәр санаулы көннәр калып бара. Шул уңайдан оешманың 25 еллыгына багышланган китап-альбом дөнья күрде, дип хәбәр ителә Бөтендөнья татар конгрессының рәсми сайтында.


Ул Татарстан Президенты Рөстәм Миңнеханов, Дәүләт киңәшчесе Минтимер Шәймиев, Бөтендөнья татар конгрессы Башкарма комитеты рәисе Ринат Закировның сәламләү сүзе белән ачыла.

Басмада татар конгрессының чирек гасыр тарихына багышланган очерклар, истәлек-хәтирәләр, күпсанлы фотодокументлар урын алган. Шулай ук китапта конгресс эшчәнлегенә карата фикерләр дә тупланган.

Китапның автор-төзүчесе — Бөтендөнья татар конгрессы Башкарма комитеты каршында эшләүче мәгълүмати-аналитик идарә хезмәткәре, танылган журналист Мөнирә Сәгыйдуллина.
Фәнүз ХӘБИБУЛЛИН.
Читайте нас: