+19 °С
Яңгыр
Гәзиткә язылуVKOKTelegram
Барлык яңалыклар
Новости
22 август 2017, 12:13

Хәйбулла егетен Сочида үтергәннәрме?

Сочи шәһәре пляжында Башкортстан егетенең мәете табылган. Фаҗига урынына чыккан тикшерүчеләр аның тәнендә җәрәхәтләр тапкан. Үлемнең анык сәбәбе экспертизадан соң билгеләнәчәк.

Мәрхүмнең дуслары хәбәр итүенчә, 23 яшьлек Газинур Мәскәүдә Русия дәүләт геология-эзләнү университетында укыган. Аның Сочи пляжына ничек барып чыгуын белүче юк.
—Газинур бик яшь күренә иде, югары уку йортында укыса да, килеш-килбәте тугызынчы сыйныф укучысыныкы кебек иде. Ул яхшы укыды, бернинди проблема тудырмады, — дип хәтерли аның турында Мәскәүдә һәм Санкт-Петербургта Башкортстан студентлары ассоциациясе җитәкчесе Азат Бадранов.
Мәрхүмнең туганнары авыр хәлдә калган: аны туган ягы Хәйбулла районының Акъяр авылына алып кайтып җирләү өчен мөмкинлекләре юк. Моның өчен 100 мең сум таләп ителә.
Читайте нас: