+22 °С
Яңгыр
Яңалыклар
6 декабрь 2017, 07:13
Җиңүче — “Remix”!
Шушы көннәрдә Илеш районы Мәдәният сараенда район хакимияте башлыгы Илдар Мостафин призына Илеш районы шаяннары һәм тапкырларының IX Юниор-Лига чемпионаты ярымфиналы узды. Анда район мәктәпләреннән 12 команда катнашты.
Бәйге бик кызу барды: анда уен-көлкегә дә, тапкыр сүзгә дә, җыр-биюгә дә урын күп булды. Шаяннар һәм тапкырлар уены барышында иң-иңнәр дә ачыкланды. “Ел ачышы” номинациясендә Йонны төп мәктәбенең — “5 Д”, “Иң яхшы музыкаль номер”да — Рсай урта мәктәбенең “Яңа буын” , “Иң яхшы кызык” та —Кадер мәктәбенең “Бер адым алга!” командалары җиңүче дип танылды. 3нче урын —Түбән Яркәйдәге лицейның “Автоген”, 2нче урын — Югары Яркәйдәге 1нче гимназиянең “14+”, 1нче урын Югары Яркәйдәге 4нче мәктәпнең “Мәңге яшь” командаларына бирелде. Ә Гран-прины исә Югары Яркәйдәге Т. Рахманов исемендәге урта мәктәпнең “Remix” командасы яулады.
Җиңүчеләр һәм призерлар киләсе елның гыйнварында узачак финалда катнашачак. Иң көчле һәм тапкыр командага хакимият башлыгы кубогы тапшырылачак.
Җиңүчеләр һәм призерлар киләсе елның гыйнварында узачак финалда катнашачак. Иң көчле һәм тапкыр командага хакимият башлыгы кубогы тапшырылачак.
