+23 °С
Болытлы
Гәзиткә язылуVKOKTelegram
Барлык яңалыклар
Новости
4 декабрь 2018, 02:00

“Тамыр” – җиңүче!

“Тамыр” балалар һәм үсмерләр телеканалы “Федерация” IV Бөтенрусия телевизион конкурсында җиңүче булды.Балалар каналының “Этнlike” проекты “Ата-бабалар теле” номинациясендә иң яхшысы дип танылды.Конкурста Русия Федерациясенең берничә дистә төбәгеннән 200дән артык эш катнашты. “Федерация” конкурсы инде өч ел рәттән үткәрелә, бу вакыт эчендә жюри хөкеменә Русиянең 70 регионыннан 600ләп эш җибәрелгән иде. Шул ук вакытта ел саен катнашучыларның географиясе киңәя: быел конкурста Кытай һәм Япония проектлары катнашты. Һәр проект үз төбәге өчен уникаль контент булып тора.

“Этнlike” — телевидение һәм инстаграм челтәре мөмкинлек­ләрен берләштереп, башкорт халкы этнографиясе турында сөйли торган проект.
“Федерация” конкурсында тимерчелек эше турындагы чыгарылыш җиңүче булды. Алып баручылар — үсмерләр Азамат, Назар, Назгөл блогер Айзилә һәм Альбина әби ярдәмендә тимерчелек эшенең тарихи роле һәм тимернең әһәмияте турында сөйләделәр.
Тапшыру телеканалда яңа сезонда старт алды һәм тама-шачыларның күңелләрен яуларга өлгерде. Аны Бөтенрусия конкурсындагы жюри да лаеклы бәяләде.
Конкурсның төп максаты-төбәк җитештерүчеләрнең һәм телетапшырулар әзерләүче-ләрнең иҗади мөмкинлекләрен һәм казанышларын күрсәтү. “Федерация”дә ике конкурс программасы тәкъдим ителде: “Төбәк бренды” (социаль-икътисади тема проектлары) һәм “Минем илем” (этномәдәни юнәлештәге проектлар). Нәкъ менә соңгы программада “Ата-ана теле” номинациясендә “Тамыр” балалар телеканалының “Этнlike” тапшыруы билгеләп үтелде.

Зөһрә ИСЛАМОВА.
Читайте нас: