Барлык яңалыклар
Новости
27 Май , 10:05

Башкортстан Республикасы Башлыгы “Газ. Нефть. Технологияләр – 2021” күргәзмәсендә “Транснефть – Урал” акционер җәмгыятенең стендын карады

Башкортстан Республикасы Башлыгы Р.Ф.Хәбиров һәм төбәкнең башка җитәкчелек вәкилләре Уфада 25-28 майда узган “Газ. Нефть. Технологияләр – 2021” XXIX Халыкара күргәзмәсендә “Транснефть – Урал” акционер җәмгыятенең стендын карады.
“Транснефть – Урал” акционер җәмгыятенең генераль директоры Р.Н.Ковалев “Транснефть” системасы предприятиеләре мәйданчыкларында югары технологияле җиһазлар чыгарылышы җайга салынуын, торбаүткәргеч транспорты системасын үстерү һәм ышанычлылыгын арттыру өлкәсендәге эшчәнлек турында сөйләде.
Күргәзмә үрнәкләре арасында торбаүткәргечләрнең торышын бәяләү өчен билгеләнгән катнаш магнит-ультратавыш дефектоскоп макеты бар. Аппарат торба эчендә нефть (нефть продуктлары) агымында хәрәкәт итә һәм бер үк вакытта магнит һәм ультратавыш диагностикасын үткәрергә мөмкинлек бирә.
Экспозициядә НМ 10000-210 магистраль насос макеты күрсәтелә. Магистраль һәм терәк насосларны җитештерү Чиләбе шәһәрендәге “Транснефть нефть насослары” акционер җәмгыяте заводында урнашкан.
“Транснефть – Верхняя Волга” акционер җәмгыяте күргәзмәдә үзләренең филиалы – сәнәгатьне автоматлаштыру үзәге җитештергән ТН-01 үлчәү-исәпләү комплексын тәкъдим итте. Комплекс нефть һәм нефть продуктларының сыйфат күрсәткечләрен һәм күләмен исәпләү системаларында мәгълүмат җыю һәм эшкәртү өчен кулланыла.
Шулай ук «ТОМЗЭЛ» акционер җәмгыятенең продукциясе: сыеклыкның тыгызлыгын үзгәртү һәм югары үзле нефть һәм нефть продуктлары булган резервуарлар төбен юдыру җайланмасын тәкъдим итте.
Бу җиһазлар «Транснефть» системасы предприятиеләрендә җитештерелә торган продукциянең киң номенклатурасының бер өлеше, шул исәптән импортны алыштыру программасы кысаларында.
Стендны караучылар бөтен продукция турында тулы мәгълүмат алырга мөмкин. Мәгълүмати экраннарда һәм интерактив панельләрдә компаниянең нефть һәм нефть продуктларын өзлексез һәм авариясез транспортлауны тәэмин итүе, импортны алыштыру программасын тормышка ашыруы, җитештерү инфраструктурасын камилләштерүе, төбәкләрне үстерүдә катнашуы турында да мәгълүмат бар.