Колледж дипломы иртәгесе көнгә ышаныч бирә

Совет утырышында республика Хөкүмәте әгъзалары, тармак министрлыклары һәм ведомстволары җитәкчеләре, сәнәгать предприятиеләре вәкилләре, колледж директорлары катнашты. Көн тәртибендә - республика икътисадының төп тармаклары өчен квалификацияле кадрлар әзерләү мәсьәләләре.

Утырыш башланыр алдыннан Башкортстан Башлыгы республика колледжлары укытучыларына дәүләт бүләкләре һәм грантлар тапшырды, шулай ук төрле юнәлешләр буенча һөнәри уку йортларының казанышларын билгеләп үтте.

Үз чыгышында төбәк җитәкчесе урта һөнәри белемнең дәрәҗәсе һәм ихтыяҗы елдан-ел арта баруын билгеләп үтте.

- Кулларында колледж дипломы һәм производствода кирәкле һөнәр белән аларның һәрвакыт лаеклы эш һәм иртәгесе көнгә ышаныч булачак, - диде Радий Хәбиров. - Шуңа күрә сезнең беренче бурычларыгызның берсе - хезмәт базарында бара торган үзгәрешләр турында хәбәрдар булу, аларга бик тә сыгылмалы тәэсир итү, яңа белгечлекләр буенча әзерлек программаларын гамәлгә кертү.

Башкортстан Башлыгы ассызыклаганча, чыгарылыш укучыларының бу ихтыяҗын ныгыту өчен белем бирүнең һәм реаль производствоның интеграциясен дәвам итү, кадрларны эш бирүчеләрнең конкрет заказына һәм республикада гамәлгә ашырыла торган масштаблы инвестпроектларга ярашлы әзерләү мөһим.

Фото: glavarb.ru