Радий Хәбиров баш мөхәррирләр белән очрашты

Республиканың Матбугат һәм киңкүләм мәгълүмат чаралары (СМИ) агентлыгы җитәкчесе Максим Ульчев ярты гасыр эчендә бинага бер тапкыр да капиталь ремонт ясалмавы турында сөйләде. Редакцияләрнең биналары оптималь булмаган планировкага ия, тәрәзәләр искергән, көзге-кышкы чорда кабинетларда салкын була. Матбугат йортының инженерлык челтәрләре дә шулай ук нык тузган.

- 2024 елда Матбугат йорты бинасын капиталь ремонтлауга проект-смета документациясен әзерлибез. Бу максатларга республика бюджетыннан сезнең йөкләмә буенча без 6,8 млн сум алдык, - диде Максим Ульчев.

Республика Башлыгы шулай ук журналистлар берлегенә ярдәм итүнең өстәмә чаралары турында сөйләде.

- Узган ел без Шаһит Ходайбирдин исемендәге премия күләмен 100 мең сумнан 500 мең сумга кадәр арттырырга дигән карар кабул иттек. Журналистлар өчен яңа премияне дә билгеләделәр - "Ышанычлылык. Җаваплылык. Батырлык». Аның 20 лауреаты 300 мең сум алачак, - дип билгеләп үтте Радий Хәбиров. - Ә 2024 елдан башлап Грантлар фондыннан Башкортстан Башлыгы киңкүләм мәгълүмат чараларын үстерүгә 50 миллион сум акча бүлеп бирде.

СМИ алдында торган бурычлар арасында төбәк җитәкчесе махсус хәрби операциягә мәгълүмати ярдәм күрсәтүне, шулай ук сугышчыларга һәм аларның гаилә әгъзаларына актуаль ярдәм чаралары буенча аңлату эшен атады.

Аннары төбәк җитәкчесе агымдагы елда булачак иҗтимагый-сәяси вакыйгаларга тукталды. Аларның иң якын арада узачагы – Русия Президентын сайлау. Моннан тыш, республикада бу елга бай вакыйгалар календаре формалаштырылды. Көн тәртибендә Уфаның 450 еллыгын бәйрәм итү, «Русия - спорт державасы» халыкара форумын, шулай ук Русия һәм Казахстанның XX төбәкара хезмәттәшлек форумын үткәрү. Бу вакыйгаларны масштаблы яктырту - тагын бер мөһим эш.

– Безнең бурыч – сайлаулар оешкан төстә, намуслы һәм ачык үтсен өчен бергәләп мәгълүмати кампания үткәрү, - дип аңлатты Радий Хәбиров.

Төбәк җитәкчесе киңкүләм мәгълүмат чараларының эшен камилләштерү кирәклегенә дә игътибар итте. Экстремистик активистларга каршы тору турында сөйләгәндә, төбәк җитәкчесе каты һәм нәтиҗәле карарлар кирәклеге турында белдерде.

Чыгышының ахырында Башкортстан Башлыгы республика һәм муниципаль СМИ коллективларына дәүләт сәясәтенең төп юнәлешләрендә актив хезмәтләре һәм ярдәмнәре өчен рәхмәт белдерде.

Фото: glavarb.ru