+21 °С
Болытлы
Яңалыклар
17 апрель 2025, 06:10
«Экология гамәлдә: калдыкларны аерым-аерым нәтиҗәле җыю»
Башкортстанда калдыкларны аерым җыю буенча шул исемдәге түләүсез курс старт ала.
Ул 21 апрельдән 22 майга кадәр узачак. Проект республиканың Табигатьтән файдалану һәм экология министрлыгы ярдәмендә Алдынгы һөнәри әзерлек үзәге тарафыннан гамәлгә ашырыла.
Курс программасы үз эченә экология нигезләре һәм аерым җыю принциплары (72 академик сәгать), өйдә һәм эштә сортларга аеруны оештыру буенча гамәли тәкъдимнәр, аңлы рәвештә куллану һәм калдыкларны киметү буенча киңәшләр, квалификация күтәрү турында таныклык алу мөмкинлеген ала
Курсның әйдәп баручы эксперты - Альбина Сөләйманова, калдыкларны аерып җыю буенча 15 еллык тәҗрибәсе булган профессиональ эколог. Аңа БР Экология министрлыгы белгечләре һәм калдыклар белән эш итү буенча төбәк операторлары кушыла.
Уку түләүсез һәм онлайн-форматны (вебинарларны) көндезге дәресләр белән берләштерә, бу исә республиканың теләсә кайсы районында яшәүчеләргә кушылырга мөмкинлек бирә. Таныклык алу өчен өй эшләрен башкарырга һәм йомгаклау тестын уңышлы тапшырырга кирәк.
Оештыручылар сүзләренчә, бу курс – калдыкларны дөрес сортларга аеру турында белү генә түгел, ә экологияне яхшыртуга үз өлешен кертеп, бу практикаларны көндәлек тормышка кертү өчен дә менә дигән мөмкинлек.
Теркәлү өчен «Экология гамәлдә: калдыкларны аерым-аерым нәтиҗәле җыю» курсын сайларга кирәк.
Фото: "Башинформ"
