+22 °С
Ясно
Яңалыклар
23 Июля , 14:35
«На Рахате» фестивалендә сәламәтлекне бушлай тикшереп булачак
«Сәламәтлек территориясе» мәйданчгы ике көн дә дәвамында эшләячәк. Фестиваль кунаклары табиблар киңәшен алып, сәламәтлекләрен бушлай тикшертә алачак.ы
«На Рахате» фестивалендә сәламәтлекне бушлай тикшереп булачак
25–26 июльдә Уфаның Кашкадан паркында үтәчәк V Халыкара сәламәтлек һәм туризм форумы «На Рахате» кысаларында «Сәламәтлек территориясе» мәйданчыгы эшләячәк.
Көн саен 10:00дән 17:00 сәгатькә кадәр республика халкы һәм кунаклары бушлай медицина тикшерүләре үтә алачак.
Кунакларга артериаль кан басымын, пульсны, тән массасы индексын үлчәү мөмкинлеге тәкъдим ителә. Моннан тыш, Сәламәт озын гомер медицинасы үзәгендә биологик яшьне билгеләү, хроник авырулар барлыкка килү куркынычын һәм вакытыннан алда картаю билгеләрен ачыклау буенча комплекслы диагностика үткәреләчәк. Тикшерү нәтиҗәләре буенча белгечләр сәламәтлекне ныгыту өчен шәхси тәкъдимнәр әзерләячәк.
Шулай ук 43нче поликлиника табиб-терапевты консультациясе, экспресс-лаборатор тикшерүләр һәм ВИЧ-инфекциягә бушлай, аноним һәм конфиденциаль тест үтү мөмкинлеге дә булачак.
Оештыручылар республика халкын гаиләләре һәм дуслары белән килергә чакыра. Фестивальдә мунча традицияләре, спорт чаралары, гастрономия мәйданчыклары һәм сәламәтлек турында кайгырту мөмкинлекләре берләштерелгән.
Фестивальгә керү дә, барлык консультацияләр һәм медицина тикшерүләре дә бушлай.
