Батыр истәлеге яши

2 августта Чишмә районының Алкино-2 авылындагы Максим Серафимов исемендәге «Патриот» хәрби-патриотик паркында Һава-десант гаскәрләре көненә багышланган төп республика чарасы узачак.

Бу парк очраклы гына Русия Герое Максим Серафимов исемен йөртми. Махсус хәрби операциядә разведка төркеме командиры, өлкән лейтенант Максим Серафимов батырлык үрнәге күрсәтә. Өлкән командир һәлак булгач, нибары 27 яшьлек офицер җитәкчелекне үз өстенә ала, сугышчыларны оештыра һәм күп сәгатьләр дәвамында дошманга каршы торырга җитәкчелек итә. Берничә тапкыр яралануына карамастан, ул позицияләрне ташламый. Соңгы мизгелендә исә янәшәдәге иптәшен коткару өчен үз гәүдәсе белән гранатаны каплый. Күрсәткән батырлыгы һәм каһарманлыгы өчен Максим Серафимовка үлгәннән соң Русия Герое исеме бирелде.

2025 елның 2 августында «Патриот» паркы территориясендә геройга һәйкәл ачылды. Тантанада чыгыш ясап, Башкортстан Башлыгы Радий Хәбиров Максим Серафимовның тормыш юлы батырлык, Ватанга тугрылык һәм иптәшләрең өчен җаваплылык символы булуын билгеләде. Бүген паркка килгән яшьләр геройның батырлыгы турында белә, аның үрнәгендә тәрбияләнә.

Хәзер «Патриот» паркы Идел буе федераль округындагы иң зур хәрби-патриотик тәрбия үзәкләренең берсе булып тора. Биредә ел дәвамында уку-өйрәнүләр, спорт һәм патриотик чаралар үткәрелә, мәктәп укучылары, студентлар, яшь армиячеләр шөгыльләнә.

Быелгы Һава-десант гаскәрләре көне дә гаилә бәйрәме форматында узачак. Программада «Первушино» пилотаж төркеменең чыгышы, экстремаль «Каһарманнар узышы», парашютчылар күрсәтмәсе, интерактив мәйданчыклар һәм концерт каралган.

Бәйрәм 2 августта Алкино-2 авылындагы «Патриот» паркында иртәнге 9.30 сәгатьтә башлана. Чарага керү ирекле.

"Кызыл таң"ның да МАХ мессенджерында рәсми каналы бар. Кушылыгыз!
Каналга кушылыр өчен шушы сылтама буенча үтегез: max.ru/kiziltan102