Биредә җылы да, матур да булачак

Исегезгә төшерәбез, инициативаны республика башкаласының 450 еллыгына гамәлгә ашыралар. Төзәекләндерү концепциясе «Җылы яр» исеме ала. Аны халыкның фикерен исәпкә алып, Башкортстан шәһәрләрен үстерү институты, «8 проект төркеме» һәм Уфа шәһәре хакимияте белгечләре әзерләгән. Төп бурыч җәмәгать киңлекләренең бердәм системасын формалаштыру һәм җылы күл янында табигый рекреацион территориянең потенциалын ачу.

Уфаның Калинин районы хакимияте башлыгы Михаил Замурагин эшләрнең ике этапта алып барылуын аңлатты. Беренчесе 2022 елда «Уңайлы шәһәр мохитен формалаштыру» программасы кысаларында гамәлгә ашырыла. Төзәтү мәйданы 4,4 гектар тәшкил итә. Бу Баландин бульвары территориясе Мушников урамыннан Теплое күленә кадәр һәм сулык ярының бер өлеше.

Республика җитәкчесе яңартылган территориядәге сәүдә-сервис объектларын карады һәм проектлаучылар белән алга таба эшләү планнары турында фикер алышты.

Якында урнашкан күпфатирлы йортларда яшәүчеләр аралашу вакытында республика җитәкчелегенә уңайлы шәһәр киңлеге булдырганнары өчен рәхмәт белдерделәр һәм икенче чиратны гамәлгә ашыруны көтүләрен әйттеләр.

Башкортстан Башлыгы Радий Хәбиров күл ярын төзекләндерүне дәвам итү планнары турында сөйләде. Аерым алганда, биредә елның төрле вакытында ял итү өчен инфраструктура булдырырга ниятлиләр.

- Мондый проектлар төзегәндә без һәрвакыт халыкның фикерен исәпкә алырга тырышабыз. «Дубки» скверы һәм «Первомайский» паркы яхшы мисаллар булды, – дип ассызыклады Радий Хәбиров.