Уфада беренче тапкыр "VK Fest" узды

Фестивальдә Ольга Бузова, Клава Кока, Нурлан Сабуров, Юля Паршута, Ратмир Мәүлиев, Ramil', Звери, Cream Soda, Хаски кебек җырчылар, спикерлар һәм музыкаль төркемнәр чыгыш ясады. Чара 13 мең тамашачыны җыйды.

Яраткан музыкадан һәм биюләрдән тыш, фестивальгә килүчеләрне башка мәйданчыклар да көтте. Әйтик, биредә фәнгә, спортка мастер классларга, сый-хөрмәткә багышланган бик күп зоналар булды.

Евразия фәнни-мәгариф үзәге бер урында урындагы университетлар вәкилләрен җыйды. Бу зонада абитуриентларны һәм укучыларны заманча һөнәрләр белән таныштырдылар, фән һәм технология казанышлары турында сөйләделәр. Монда роботларны карарга, виртуаль чынбарлыкка чумарга һәм киберспорт осталары белән ярышырга мөмкин булды.

Мифтахетдин Акмулла исемендәге Башкорт дәүләт педагогия университетының (БДПУ) Физика, математика, санлы һәм нанотехнологияләр институты студентлары барлык теләүчеләрне пилотсыз очу аппаратлары белән идарә итү буенча виртуаль тренажер һәм робо-биатлон белән таныштырдылар.

- Без В.А. Садовничий исемендәге кванториум җиһазландырылган җиһазларны күрсәтәбез. Монда идарә ителә торган һәм программалаштырыла торган роботлар тәкъдим ителә. Алар белән фестиваль кунаклары да идарә итәргә ала. Шулай ук пилотларны укыту өчен махсус төзелгән дрон белән идарә итү симуляторы тәкъдим ителә Һәм теләгән һәркем аның белән эшли ала, – дип билгеләп үтте студент Дмитрий Белокуров.

"VK Fest"та шулай ук "VK Play", "Warpoint" кебек мәйданчыклар оештырылды, алар IT (ай-ти) һәм киберспорт яратучыларны үзләренә җәлеп итте. Биредә кунаклар онлайн рәвештә киберспорт осталары белән ярышырты, виртуаль чынбарлыкта уеннар һәм квестлар узды.

Бигрәк тә кунаклар өчен Atomic Heart уеныннан игезәкләр кызык булды. Ике чибәр роботлар белән фотога төшү очен озын-озын чират тезелде.

Исегезгә төшерәбез, "VK Fest" Русиянең нибары биш шәһәрендә - Уфада, Сириуста (Сочи), Санкт-Петербургта, Мәскәүдә һәм Красноярскида узачак. Фестиваль 1 июньнән 14 июльгә кадәр - ай ярым дәвам итәчәк.