Кредитларыгызны сызып ташлыйбыз...

Мондый тәкъдимнәргә сак карарга кирәк, аларның мошенниклар булу ихтималы зур. Кайсы "ярдәмчеләрдән" ераграк тору яхшырак?.

2024 елның 1 августына Русия гражданнарының кредитлар буенча бурычы 36 трлн сум тәшкил иткән. Шуларның 1,2 трлны – вакыты чыккан бурычлар. Бу кешеләр банкларга түләргә тиеш булган акчалар, ләкин ниндидер сәбәпләр аркасында моны эшләмәгәннәр. Бу эшне югалту, авыру булырга мөмкин, яки кеше баштан ук үз кредит йөкләнешен дөрес исәпләмәгән (телефонга кредит алган, суыткычка түләп бетергән, аннары кредит картасында процентсыз лимит чигеннән чыккан һ.б.).

Мондый вәзгыятьтә иң дөрес карар - банк белән килешергә. Проблеманы хәл итү өчен бик күп инструментлар бар – мәсәлән, кредит каникуллары, реструктуризация, яки кредитны рефинанслау. Хәлдән чыгу юлын никадәр иртәрәк эзли башласаң, нәтиҗә шулкадәр яхшырак булачак. Һәм киресенчә: "просрочка" никадәр күбрәк булса, хәлдән чыгу да шулкадәр катлаулырак булачак. Әмма еш кына, финанс тозагына эләккәч, заемщиклар банк белән элемтәдән кача, ә моның урынына мәсьәләне мөстәкыйль хәл итәргә тырыша. Финанс белеме булмау аркасында мондый адымнар күпчелек очракта хаталы була.

Мәсәлән, кешегә инде булганнарын каплауга яңа кредит алу дөрес булып тоелырга мөмкин. Бу шул мизгелдә ярдәм итәчәк, әмма киләчәктә финанс хәлен катлауландырачак кына. "Барлык бурычларны сызып ташларга" контекстлы реклама, шулай ук шәһәр урамнарында ябыштырылган белдерүләр «бурычлардан законлы рәвештә котылырга» вәгъдә итә ала. Заемщикка бу чын «котылу чарасы» булып тоелырга мөмкин. Әмма мондый хәбәрләргә ышанырга ярамый. Әгәр кредитлар җыярга, ә аннары «бөтен бурычларны сызып ташларга" мөмкин булса, барысы да шулай эшләр иде.

Тулырак: моифинансы.рф сайтында.