+8 °С
Болытлы
Барлык яңалыклар
Сәясәт
24 март , 10:44
Владимир Путин Ким Чен Ынга вәгъдә бирде
Русия Президенты Владимир Путин КХДР лидеры Ким Чен Ынны югары дәүләт постына яңадан сайлануы уңаеннан котлаганда Төньяк Корея белән партнерлыкны үстерүне дәвам итәргә вәгъдә итте. Текстны Кремль сайтында карарга мөмкин.
Владимир Путин Ким Чен Ынга вәгъдә бирде
"Русиядә безнең илләр арасындагы дустанә, союздаш элемтәләрне ныгытуга Сезнең шәхси өлешегезне югары бәялиләр. Һәм без, әлбәттә, Мәскәү белән Пхеньян арасындагы киң колачлы стратегик партнерлыкны алга таба үстерү буенча тыгыз, уртак эшне дәвам итәчәкбез", - диелә котлауда.
Русия Президенты ассызыклаганча, Ким Чен Ынның КХДР Дәүләт эшләре рәисе вазыйфасына яңадан сайлануы ул үткәргән курсны бертавыштан хуплауны күрсәтә.
Гыйнварда Ким Чен Ын Владимир Путинга хат юллаган иде. Төньяк Корея лидеры билгеләп үткәнчә, ул Русия Президенты белән дустанә мөнәсәбәтләр өчен горурлана.
Фото: Гавриил Григоров / POOL / РИА Новости
Новости партнеров