Кызыл Таң
Русский Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
җомга көннәрендә чыга
» » Бер гаиләдә — ике Герой!

Бер гаиләдә — ике Герой!
26.04.2018 / Беркем дә, бернәрсә дә онытылмый!

Бер гаиләдә — ике Герой!Әхмәлетдиновлар гомер дәвамында шушы югары исемне намус һәм фидакарьлек белән аклап яшәде.

9 Май — иң изге бәйрәмнәрнең берсе, чөнки безнең солдатларыбыз рейхстагка Җиңү байрагын кадады.


Сүземне ерактанрак башлыйм. Мин район мәдәният йортында оештырылган “Идел” халык уен кораллары ансамбленә йөрим — мандолинада уйныйм. Безнең ансамбль тирә-як районнарда һәм башкалабыз Уфада үткән конкурсларда, фестивальләрдә катнашып, призлы урыннар яулый.
Моннан ике ел элек Кушнаренко районында үткән фестивальгә алтмыш кешелек ансамблебез белән баргач, якындагы Җиңү аллеясенә кереп, Советлар Союзы Герое Фазылҗан Әхмәлетдиновның бюсты куелган постаментка чәчәкләр салдым. Аллея искиткеч матур итеп эшләнгән, һәр алты Герой сыны куелган постамент алдында — тере чәчәкләр бәйләме!
Кушнаренко районы минем өчен бик якын, чөнки 1967 елда укытучы итеп Мәмәк сигезъеллык мәктәбенә эшкә җибәрделәр. Мәктәп директоры ул вакытта Нәкыйп Миңнегалиев, ә завуч — Гали Фаршатов иде. Алар мине, япь-яшь кыз баланы, үз коллективларына алып, эшкә өйрәттеләр. Соңыннан миңа күп югары уку йортлары тәмамларга, вазыйфалы эшләрдә эшләп, кандидатлык диссертациясе яклагач, югары уку йортларында да хезмәт салырга туры килде.
“Язмыштан узмыш юк”, — дигән халык мәкалендәгечә, күп еллар үтеп, гаилә корып, балалар үстергәч, Кушнаренко районы Әхмәт авылында яшәгән Әхмәлетдиновлар гаиләсе белән туганлашырга туры килде.
Кодагыебыз Зөлхиҗә Фазылҗан кызы, өч югары белем алып, күп еллар дәрәҗәле вазыйфаларда эшләде, бүгенге көндә кодабыз Нәҗип Шәфигулла улы белән матур картлык кичерәләр, республиканың хөрмәтле кешеләре. Алар белән сөйләшеп утыруы үзе бер гомер.
Әхмәлетдиновлар гаиләсендә 3 малай, 7 кыз үсә. Әниләренә “Герой-ана” исеме бирәләр. Мондый гаилә республикада бердәнбер, чөнки әтиләре — Советлар Союзы Герое, ә әниләре — Герой-ана. Герой нәселендә бүген 21 онык һәм 24 турун үсә. Бу гаилә әгъзаларының барысы да югары белемле, эшчән, тәртипле, җыр-моң сөючеләр. Кодагыебыз да баян, аккордеон, скрипка, пианино һәм мандолинада уйный, моңлы итеп җырлый. Бер сүз белән әйткәндә — олы талант иясе.
Советлар Союзы Герое Фазылҗан Әхмәлетдиновка шушы көннәрдә, әгәр исән булса, 100 яшь тулган булыр иде. Балалары шушы олуг бәйрәмне үткәрү белән мәшгуль. Аның батырлыгы җирдә ятмый. Әхмәт авылындагы кабере ел әйләнә-сенә чәчкәгә күмелгән. Урта мәктәптә һәм район музеенда истәлекләр яңартылып, очрашулар үтеп тора. Үзе укыган һәм эшләгән мәктәбенә һәм туган йортына тактаташ куелган. Аның батырлыгын мәңгеләштереп, Удмурт Республикасы Сәясәт министрлыгы хуплавы белән “Кәккүкләр” дигән кыска метражлы нәфис фильм төшерелгән.
Авыл халкы Геройны хөрмәт белән искә ала. Ул яшәгән йорт яшеллеккә, чәчәкләргә күмелеп утыра. Анда аның улының гаиләсе яши. Тормыш дәвам итә. Матур Менәзе күле буенда Фазыл чишмәсе чылтырап ага. Озак аксын әле, Герой, синең исемеңдәге чишмәләр. Чишмә чылтыравы да: “Синең батырлыгың мәңгелек! Илләр тыныч булсын, күкләр аяз булсын!” — дип әйтә кебек.

Дамира Казыйханова, Башкортстанның атказанган
мәгариф хезмәткәре, педагогия фәннәре кандидаты.
Чакмагыш районы.






Басып чыгарырга


  • Имя:
    E-Mail:


  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Картинка Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера

  • Включите эту картинку для отображения кода безопасности
    Введите код:
     
     
    Нажимая на кнопку, вы соглашаетесь с обработкой персональных данных




Сегодня, 21:33 :: Яшьлек
"Сез безгә бик кирәк!"
Тәртип кирәк, иптәшләр! (Видео)
Сегодня, 19:55 :: Мәдәният һәм сәнгать
Тәртип кирәк, иптәшләр! (Видео)
Вәсилә Фәттахованың кызын Кытайда дәвалаячаклар
Сегодня, 18:36 :: Мәдәният һәм сәнгать
Вәсилә Фәттахованың кызын Кытайда дәвалаячаклар
Барселонада Салаватны талаганнар
Сегодня, 18:08 :: Мәдәният һәм сәнгать
Барселонада Салаватны талаганнар
Туймазы хәзер Тукайлы
Сегодня, 17:51 :: Милләт
Туймазы хәзер Тукайлы
Өмәдән соң - кайнар чәй!
Сегодня, 17:00 :: Көнүзәк
Өмәдән соң - кайнар чәй!




Новости русской версии сайта



Яңа номер

49 (25353) от 26 апреля 2019


Безгә кушылыгыз

Вступить в нашу группу Вконтакте

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Игътибар итегез

Журнал Тулпар

Антитеррор




Рубрикалар




Материаллар архивы










Печать книг

Безнең иске сайтыбыз

Филиалы ГУП РБ ИД
«Республика Башкортостан»