Кызыл Таң
Русский Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
җомга көннәрендә чыга
» » Техникалары – яңа, эш шартлары – яхшы!

Техникалары – яңа, эш шартлары – яхшы!
18.09.2018 / Авыл хуҗалыгы

Техникалары – яңа,  эш шартлары – яхшы!Алдынгы хуҗалыкта гектар төшеме дә уртача күрсәткечләрдән күпкә югары.

“Урожай” ширкәте – районда гына түгел, республикада да танылган хуҗалык­лар­ның берсе. Алар игенчелек һәм терлекче­лек өлкәсендә елның-елында югары күрсәткечләргә ирешә, авыл хуҗалыгы тармагындагы яңа технологияләрне киң куллана, заманча техника сатып алуга зур игътибар бүлә, иң мөһиме — эшчеләргә хезмәт хакы вакытында түләнә. Шулай булмыйча, хуҗалык белән 17 елдан артык булдыклы җитәкче, Башкортстанның атказанган авыл хуҗалыгы хезмәткәре Айдар Мөхәрләмов җитәкчелек итә.


Әйтергә кирәк, ширкәт басучылыкта һәм терлекчелектә ирешкән уңышлары өчен район сабантуенда 2010 һәм 2014 елларда җиңел автомобильләр белән бүләкләнде.
Агымдагы елда да сынатмадылар: беренче урынга чыгып, “абсолют чемпион” исемен горур йөртәләр.
Моңа ирешү өчен ел дәвамында тырышырга, көч түгәргә кирәк, әлбәттә. Хуҗалык җитәкчелеге басуларга кертү өчен кыштан ук җитәрлек күләмдә ашлама, сыйфатлы орлык туплый; машина-трактор паркын яңартуга, булган техниканы сакчыл файдалануга ныклы игътибар бирә.
Дулкынланып утырган иген кырлары ширкәт җитәкчелегенең, басучылык белгечләренең һәр участокта хезмәтне тиешенчә оештырганнарын күрсәтә. Яхшы итеп эшкәртелгән мәйданнарга элита, югары репродукцияле орлыклар кертелгән. Җәй айларында үсемлекләрне чүп үләннәреннән һәм корткыч бөҗәкләрдән саклау эшләре алып бару нәтиҗәсендә, уңыш муллыгы белән сөендерә. Бүген аны югалтуларсыз җыеп алу өчен хезмәтчәннәр барлык тырышлыгын, тәҗрибәсен салып, ал-ял белми эшли.
— Көзге бодай һәм борчак басуларында эш тәмамланды. Яңгырлар еш яву аркасында борчактан көткән уңышны алып булмады, гектар куәте 26,5 центнер гына тәшкил итте. Ә менә уҗым бодае сөендерә – гектарыннан 38 центнер уңыш бирә. Механизаторларыбыз, икеләтә җаваплылык тоеп, кояшлы көннәрнең һәр минутын нәтиҗәле файдаланып калырга тырыша, — ди ширкәтнең баш агрономы Рамил Нәбиев.
Күренеп тора, биредә үз эшләренә җаваплы караучы кыр батырлары намуслы хезмәт сала. Игенне “Джон-Дир” тракторында, “Макдон”, “Чулпан” комбайннарында, “МТЗ-82” тракторларына тагылган “ЖВЗ-7” чапкычларында Раил Ахунов, Илмир Галимәр­данов, Азамат Мирзаянов, Илмир Минниятуллин тезмәләргә салалар. Ашлыкны суктыру механизаторлар Азат Зарипов, Денис Фазлыев, Эдуард Ким, Марсель Кадраев, Азамат Мөхәммәтдинов, Илмир Зарипов, Эльвир Мәрваров, Денис Таюшов, Рушат Сабировка ышанып тапшырылган. Әйтергә кирәк, үзйөрешле “Чулпан” чапкычын, “К-744” тракторын, “JCB” төягечен, өч тагылма чапкыч агрегатын агымдагы елда сатып алганнар.
—Техникаларыбыз — яңа, эш шартлары — яхшы. Көнгә ике тапкыр туклану оештырылган, дәртләндерү чаралары да каралган. Җырлап эшләргә була, —ди игенчеләр.
Тәҗрибәле комбайнчылар суктырып алган ашлыкны Венер Ганиев, Радмир Галимәрданов, Илдар Хәсбиев, Газинур Дәү­ләтов, Дилбәр Әсмән­дияров, Анатолий Шәңгә­рәев, Мансур Нә­биев, Айдар Шәехов өзеклек­ләргә юл куймыйча ташып торалар. Шуны да билге­ләргә кирәк: яңа уңышны кабул итү турында да хәстәрлек күрелгән. Иске Күктау ындыр табагында ашлык складларына дезинфекция ясалган, автоүл­чәгечләр тикшерү үткән. Басудан кайткан ашлык “ЗАВ-40”, агымдагы елда гына урнаштырылган “ЗАВ-50” корылмасында киптерелә, чистартыла һәм келәтләргә салына. Биредә мөдир Наил Хөрмәтуллинның, машинистлар Валерий Нәби­ул­линның, Рәүдәт Фәрра­ховның, операторлар Азат Әхмәтҗановның, Илдар Миңнегалиевның хезмәте мактауга лаек.
Бушаган басуларга комбайнчылар артыннан ук салам пресслаучы “ПРФ- агрегатлары керә. Бу участокта эшләүче механизаторлар Фердинант Фәхрис­ламов, Илмир Имамов, Денис Мостафин үз бурычларын намус белән үти. Алар көненә һәрберсе мәйданда эш башкарып, 300-400 салам рулоны төрә.
Аларны “МТЗ-1221” тракторына тагылган 14 рулон сыешлы “ПТР-10” агрегаты белән тракторчылар Борис Шәңгә­рәев һәм Артем Исанов һәр бригаданың фермалары янына ташып тора.
Ширкәттә урак комплекслы алып барыла. Җирләрне туңга сөрүдә механизатолар Анатолий Калитов, Иркен Гыйбадуллин, Айрат Габдрахманов, Фәнис Гыйльметдинов өлгерлек күрсәтә. Уҗым культураларын чәчү 750 гектарда планлаштырылып, уңган механизаторлар Тимерҗан Шәрипов, Рәфис Зарипов, Инсаф Исламов, Рифат Йосыпов җирне әзерли.
— Уракны, һәр елдагыча, үз көчебез белән башкарабыз. Эшләребез ырамлы бара, һәр ширкәт әгъзасы үз бурычын намуслы үти. Гомумән, урып-җыю кам­паниясенә һәркем җаваплы карый, — ди хуҗалык рәисе Айдар Мөхәрләмов.
Хуҗалык эшчәннәре һәр участокта сынатмаска тырыша. Эшең ырамлы барса, уңышың, әлбәттә, бәрәкәтле булачак.

Лира ГӘРӘЕВА.
Илеш районы.





Басып чыгарырга



  • Имя:
    E-Mail:


  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера

  • Включите эту картинку для отображения кода безопасности
    Введите код:
     
     
    Нажимая на кнопку, вы соглашаетесь с обработкой персональных данных




Петровское хастаханәсе төзекләндереләчәк!
Сегодня, 15:54 :: Сәламәтлек саклау
Петровское хастаханәсе төзекләндереләчәк!
Валерий Меладзе башкортча котлаган
Сегодня, 14:25 :: Яңалыклар
Валерий Меладзе башкортча котлаган








Новости русской версии сайта

Яңа номер

145 (25299) от 14 декабря 2018


Игътибар итегез

sendmail

Безгә кушылыгыз

Вступить в нашу группу Вконтакте

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.


ТВ карагыз!

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Антитеррор

Антитеррор




Рубрикалар




Материаллар архивы












Печать книг

Безнең иске сайтыбыз

Филиалы ГУП РБ ИД
«Республика Башкортостан»