Кызыл Таң
Русский Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
җомга көннәрендә чыга
» » Ираннан соң – Кытайга!

Ираннан соң – Кытайга!
07.09.2018 / Яшьлек

Ираннан соң – Кытайга!БДУда “Студентлар белән алмашу” программасы талипларга зур мөмкинлекләр ача.

Чит ил яшьләре Башкортстанга укырга килү белән беррәттән, безнекеләр дә анда барып гыйлем эсти. Ләкин республика вузларында укып та чит илгә барып булуны күпләр, мөгаен, белмидер. “Студентлар белән алмашу” программасы күп кенә уку йортларында инде берничә ел актив эшли. Мәсәлән, Башкортстан дәүләт университеты соңгы елларда Кытай белән тыгыз элемтәдә тора. Башкорт филологиясе һәм журналистика факультетының Көнчыгыш белеме һәм африканистика кафедрасында белем алучы Алия Аллагуҗина күптән түгел Кытайда укып кайтты.


– Белүемчә, сине Кытайга бер елга БДУ җибәрде. Чит илгә укырга бару өчен ниш­ләргә кирәк?
– Университетның рәсми төркемендә бу турыдагы игъланны укып, барырга ниятләгәч, беренче чиратта, әңгәмәләшү үттем. Әңгәмә син барачак илдә кабул ителгән телдә уза. Мин кытайча сөйләштем. Ләкин инглиз телен белү дә сорала. Бу үзенчәлекле конкурс булды.
– Кытайның кайсы төбә­генә бардың?
– БДУдан 15 кеше Шэньян шәһәрендәге Ляонин университетына укырга килдек. Тулай торакта яшәдек.
– Кытай телен шактый шомартып кайттың инде?
– Кытайга барганда телне ниндидер дәрәҗәдә белә идем инде. Килгәч тә, беренче чиратта, кытай теленнән имтихан үттем. Бу сиңа нинди төркемгә йөрү кирәклеген белү өчен эшләнә. Ел буе кытай телен өйрәндем. Шулай ук “HSK5” алу, ягъни тел белүнең югары дәрәҗәсенә ирешү өчен ушу, кунг-фу, рәсем, җыр, кино, каллиграфия, бәйләү һәм башка факультативлар үттем. Кытай телен начар бе­лә­сең икән, сине башлангыч дәрә­җәдә инглиз телендә укыталар. Төрле милләт студентлары белән бергә укыдык: урыслар, кореялылар, японнар, таҗиклар, тайлылар, монголлар, Африка һәм Якын Көнчыгыш, Европа илләреннән дә студентлар булды. Безнең университетлардан икътисадчылар күп иде.
– Туган якны, милли ризыкларны сагындыңмы?
– Кытайда ике семестр укыдым. Түзмәдем, кышкы каникулга Башкортстаныма кайтып килдем. Кытай кухнясын яратучы дусларым куанып бетә алмады. Ә мин тулай торакта үзем пешердем...
– Кытайдагы беренче кө­неңне хәтерлисеңме?
– Хәтерлим. Без барып җиткәндә көн кичкә авышкан иде. Кытай студентлары, кураторыбыз безне күмәкләп каршы алдылар, ләкин юлда аруыбыз үзен сиздерде. Шундук тулай торакка урнаштырдылар. Икенче көнне генә урамга чыктык. Ә анда һәркайда иероглифлар, безнеңчә язылган бер сүз дә юк. Бер­никадәр курку хисе биләп алды. Мин укыган төркемдә дә ру­сиялеләр бөтенләй юк иде. Башта кыен булды, әлбәттә. Аннары дуслар таптым, күнегеп киттем. Бүген инде тагын барасыңмы, дисәләр, уйлап та тормыйча “Әйе!” дияр идем!
– Чит илдә уку синең ал­дыңда нинди мөмкин­лекләр ачты?
– Беренчедән, Кытай турында гына түгел, башка илләр кеше­ләре турында да бик күп мәгъ­лүмат туплыйсың. Чит телләр өйрәнәсең. Мин инглиз һәм кытай телләрен яхшылап өйрәндем. Икенчедән, Кытайда укуың турында сертификат бирелә, шулай ук, мин чит телләр белүнең “HSK” дәрәҗә­сенә халыкара имтихан тапшырдым.
– Ялгышмасам, чит ил университетына беренчегә генә баруың түгел?
– Әйе, өченче курста укыганда Иранның башкаласы Тәһранга Шаһид Бехешти исемендәге университетка барган идек. Анда фарсы телен, әдәбиятын, тарихын, грамматикасын өйрәндек. Шулай ук бихисап истәлекле урыннарны күрдек. Ул университет студентлары белән бүген дә элемтәдә торабыз. Алар миңа нык ярдәм итте.
Башкортстан дәүләт университеты студентлар алдында киң мөмкинлекләр ача. Ләкин кемдер моннан файдалана, кемдер – юк. Һәр студентның үзенә бәйле, – ди бакалавр һәм магистр программаларын кызыл дипломга үзләштергән, чит илгә чыгып укып кайтырга да өлгергән Алия Алла­гуҗина.
Әйе, Алия кебек тырыш студентлар республикада белем алганда чит илдә тәҗрибә дә туплый, туган төбәгебездә гөрләтеп эшли дә. Алиягә уңышлар юлдаш булсын!

Энҗе Ибраһимова.





Басып чыгарырга



  • Имя:
    E-Mail:


  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера

  • Включите эту картинку для отображения кода безопасности
    Введите код:
     
     
    Нажимая на кнопку, вы соглашаетесь с обработкой персональных данных




Петровское хастаханәсе төзекләндереләчәк!
Сегодня, 15:54 :: Сәламәтлек саклау
Петровское хастаханәсе төзекләндереләчәк!
Валерий Меладзе башкортча котлаган
Сегодня, 14:25 :: Яңалыклар
Валерий Меладзе башкортча котлаган








Новости русской версии сайта

Яңа номер

145 (25299) от 14 декабря 2018


Игътибар итегез

sendmail

Безгә кушылыгыз

Вступить в нашу группу Вконтакте

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.


ТВ карагыз!

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Антитеррор

Антитеррор




Рубрикалар




Материаллар архивы












Печать книг

Безнең иске сайтыбыз

Филиалы ГУП РБ ИД
«Республика Башкортостан»