Кызыл Таң
Русский Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
җомга көннәрендә чыга
/ / Балалар туып торсын!

01.12: Балалар туып торсын!

Балалар туып торсын!Дәүләт җыелышы-Корылтайда “Башкортстанда демографик хәл торышы һәм аны яхшырту чаралары турында” дигән темага “түгәрәк өстәл” үтте. Дәүләт җыелышы-Ко­рылтайның Сәла­мәтлек саклау, социаль сәясәт һәм ветераннар эшләре буенча комитеты рәисе Николай Никитин чараны ачып, республикада демографик хәлнең тиешле дәрәҗәдә имин булмавын билгеләде, моның сәбәпләренең хезмәт яшендәге ир-атлар арасында үлем очраклары ешаюда, хатын-кызлар­ның бала тудыруны соңга калдыру теләгендә булуын әйтте. Беренче йөклелек абортларын кисәтүгә, һәр йөкле хатын-кызга игътибарны арттырырга кирәклеген ассызыклады.

Сәламәтлек саклау министры Әнвәр Бакиров чыгышында туым һәм үлем күрсәткечләренә тукталды. Быел ун айда республикада 46,9 мең бала туган, үткән ел белән чагыштырганда, бу 2,4 меңгә азрак. Төп сәбәп — репродуктив яшьтәге хатын-кызлар азаюда.

— Туымны арттыру өчен, беренче чиратта, абортларны кисә­түгә игътибар юнәлтәбез. Соңгы елларда абортлар 28 процентка азайды. Икенче момент — ЭКО про­цедураларын арттыру. Алдагы елда квоталарны 1500-2000гә кадәр арттырырга карар иттек. Ике меңгә якын хатын-кыз чиратта тора, — диде министр.

Яңа туган балалар үлеменең 21 процентка азаюын билгеләде, хезмәт яшендәге халыкның үлем сәбәпләренә тукталды Әнвәр Әкрам улы. Министр билгелә­венчә, барлык үлүчеләрнең 26,3 проценты — хезмәт яшендәгеләр. Төп сәбәпләр — туберкулез, вируслы гепатит, суицидлар, алкоголь белән агулану.

— Безнең кешеләрнең нәр-сәдән түгел, ә ни өчен үлүе борчый. Менә шуны ачыклау һәм хәл итү өчен бө­тен тырышлыгыбызны салачакбыз, — диде сәла­мәтлек саклау министры.

Федераль дәүләт статистикасы хезмәтенең Башкортстан буенча терриориаль органы җитәкчесе урынбасары Рөстәм Гатауллин чыгышында республикада миграция агылы азаюга, халыкның яшь структурасы үзгәрүгә тукталды. Ил буенча халыкның уртача яше 40 булса, бездә — 38,5. Хәлне ях­шылап аңлау өчен статистик күзә­түләр генә түгел, социологик тик­ше­ренү­ләр мөһимлеге дә ассызыкланды.

Хезмәт һәм халыкны социаль яклау министры урынбасары Татьяна Глухова чыгышы балалы гаиләләргә ярдәм чараларына багышланды. Бүгенге көндә 255 мең шундый гаиләнең 46,3 меңе — күп балалы.

— Аз тәэмин ителгәннәрнең керемнәрен арттыруны бурыч итеп кую зарур. Басымны уңыш­лы, имин гаиләгә ясаячакбыз, — диде Татьяна Борисовна.

Октябрьский шәһәре хакимияте башлыгы Алексей Шмелев үз төбәк­ләрендәге демографик хәл хакында сөйләде. Алексей Николаевич сүзләре буенча, Октябрьский шәһә­рендә кешеләрнең уңайлы тормышы өчен күп эшләр башкарыла.

“Түгәрәк өстәл”дә шулай ук яшь гаилә проблемалары, ана булуга әзерләнү, никахлар таркалу һәм башка мәсьәләләр тикшерелде. Төрле ведомство җитәкчеләре республикада демографик хәлнең бик яхшы булмавы хакында борчылу белдерде.

Хатын-кызлар бала тудыруны соңга калдыра, олы яшьтә генә ана булырга ниятли, күпләр яшь чакта беренче балаларын төшер­теп, сәламәтлегенә зыян китерә. Ә ни өчен соң, мәсәлән, егерме яшь­лек кыз ана булырга теләми? Дөрес, аңа баласын лаеклы үстерү һәм тәрбияләү өчен торак, яхшы тәэмин ителгән булу кирәк. Ә егерме яшьлек егет-кызла­рыбызның кайсысы гына мондый мөмкин­лек­ләр белән мактана ала?

Республикада суицидлар бераз кими төшсә дә, ил күләмендә хәлләр яхшы түгел. Ни өчен ке­шеләр үз-үзенә кул сала? Сә­бәпләр күп. Шуңа халыкның шатланып яшисе, эшлисе, яшь чакта ук бала үстерәсе килү – мондый “түгәрәк өстәл”ләр нәтиҗәсе булсын иде...





Басып чыгарырга



Сабыйларның җәе ямьле булсын!
Сегодня, 00:00 :: Сәламәтлек саклау
Сабыйларның җәе ямьле булсын!
Даруларга акча бүленәчәк
Вчера, 15:31 :: Сәламәтлек саклау
Даруларга акча бүленәчәк
Ябыгырга ярдәм итүче 13 ризык
Вчера, 13:24 :: Сәламәтлек саклау
Ябыгырга ярдәм итүче 13 ризык
Кавын-карбыз ашагыз!
Вчера, 11:27 :: Сәламәтлек саклау
Кавын-карбыз ашагыз!
Велосипед дошманыңа әйләнмәсен!
Вчера, 08:43 :: Сәламәтлек саклау
Велосипед дошманыңа әйләнмәсен!
Бәхетсез көн булып истә калачак...
17-07-2018 :: Сәламәтлек саклау
Бәхетсез көн булып истә калачак...
Яман шешне кисәтү  чаралары
13-07-2018 :: Сәламәтлек саклау
Яман шешне кисәтү чаралары
Кан тамырлары киңәйсә...
13-07-2018 :: Сәламәтлек саклау
Кан тамырлары киңәйсә...
  • Имя:
    E-Mail:


  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера

  • Включите эту картинку для отображения кода безопасности
    Введите код:
     
     
    Нажимая на кнопку, вы соглашаетесь с обработкой персональных данных









Новости русской версии сайта

Яңа номер

Вступить в нашу группу Вконтакте


sendmail


Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.


ТВ карагыз!

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF




Антитеррор

Антитеррор




Рубрикалар




Материаллар архивы


Гәзит номеры
Номерлар










Печать книг

Безнең иске сайтыбыз

Филиалы ГУП РБ ИД
«Республика Башкортостан»