Кызыл Таң
Русский Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
җомга көннәрендә чыга
» » Белемең ничә сум тора?

Белемең ничә сум тора?
31.08.2018 / Журналистның куен дәфтәреннән

Белемең  ничә сум тора?Яңа уку елы башлану укучылар өчен генә түгел, аларның әти-әниләре өчен дә җаваплы чор.

Өлкән кызыбыз мәктәпне тәмамлап, вуз студентлары сафына басты дип, җиңел сулавыбызга күп тә үтмәде, төпчегебезнең белем йорты бусагасын атлап керер вакыты җитте. Бу җаваплы чорга әзерлекне бер ел алдан башладык: кичләрен, улыбызны балалар бакчасыннан алып кайткач, тырышып-тырмашып, хәреф, саннар танырга, укырга өйрәттек, уку әсбапларыннан төрле биремнәр эшләтеп мәш килдек.


Хәзер балалар беренче сыйныфка укырга өйрәнеп барырга тиеш шул. Укыту­чы­лар­ның таләбе шундый. Үзе­без­нең балачакны искә төшерәм дә, тагын бер гаҗәпләнеп куям: нишләптер элек андый шарт куелмый иде. Беренче сыйныфка килгәндә, бер хәреф тә танымаган малайлар һәм кызларны укытучы апаларыбыз тиз арада шатырдатып укырга гына түгел, матур итеп язарга да өйрәтә, төрле фәннәргә карата кызыксыну уята иде. Әлбәттә, теләге булган балалар, мәктәпкә килгәнче үк уку серләренә төшенә башлый, тик бу һич тә мәҗбүри эш түгел иде.
Заманы шундый булгандырмы: безнең укытучылар укучы­ларының кечкенә уңыш­лары өчен дә чын күңелдән сөенә, уңыш­сызлыклары өчен борчыла торган иде. Өлгәш­мәүчеләрне, дәресләр тәмам­лангач, өйләренә кайтып, тамак ялгагач, яңадан мәктәпкә чакырып, өстәмә шөгыль­ләнәләр, төшенеп бетмәгән темаларны җентекләп аңлаталар иде. Һәм бу һич тә акчага түгел! Ә хәзер эшләр ничегрәк? Бер дә мактап сөйләрлек урын юк. Кайбер әти-әниләр балаларын башлангыч сыйныфларда ук репетиторга йөртә, акчасын түгә. Башлангыч сыйныфларда да укучыларына материалны тиешле дәрәҗәдә аңлата алмаган укытучының һөнәри осталыгы ташка үлчим генә булып чыга.
Әнием гомер буена башлангыч сыйныфлар укытучысы булып эшләде. “Үземнең күпьеллык тәҗрибәмнән чыгып, шуны әйтә алам: укучылар материалны дәрес вакытында тулысынча аңлап, ныгытып куярга тиеш. Бу — укытучының төп максаты һәм эш нәти­җәлелегенең иң чагу күрсәт­кече. Өй эшләрен дә өеп бирү дөрес түгел, аларны балалар әти-әнисе ярдәменнән башка үзе эшли алырга тиеш”, — дип уртаклаша ул.
Ә бүген ни күрәбез: эштән арып кайткан әти-әниләр өчен өендә икенче смена башлана. Алар укытучы роленә керә, баласына мәктәптән аңламый кайткан дәресен төшендерә, биремнәрен башкарыша. Бахыр бала да, әлбәттә, кичен инде арыган була, аның башына әти-әнисенең тырышып-тырмашып тукыган белем­нәрнең яртысы керәме-юкмы...
Башлангыч һәм урта сыйныфларда репетиторсыз гына булдырыр да ул әти-әниләр (әлбәттә, барысы да түгел), тик менә чыгарылыш сыйныфларда белем бирү базарында бу төр хезмәттән баш тартучылар бармак белән генә санарлыктыр. Ни дисәң дә, һәркем баласының, мәктәпне яхшы тәмамлап, киләчәктә кирәкле һөнәргә ия булырлык уку йортына керүен тели. Әлеге уңайдан халык арасында бик үк дөрес булмаган фикер яшәп килә: балаңны репетиторга йөртсәң, ул мотлак әзерләнгән уку йортына керә алачак, имеш. Болай дип уйлау дөреслеккә туры килеп бетмәскә дә мөмкин. Һәрхәлдә, танышларым арасында репетиторларга бик күп акчалар түгеп тә, БДИда кирәкле баллар җыя алмаганнар җитәрлек. Гомумән, репетиторның үз эшен сыйфатлы башкаруын ничек үлчәп була? Моның тәгаен кысалары юк бит.
Яшерен-батырын түгел, югары уку йортында да көчкә генә “өчкә” укып йөреп, диплом алып чыгучылар бихисап. Шундый танышларымның берсе белән сөйләшеп торырга туры килде.
— Мәктәптә эшләп карадым инде мин. Күңелемә хуш килмәде. Бала-чага да бик санлап бармады үземне. Шуңа нервыларым какшаганчы, дип, аннан киттем. Тик эшсез утырмыйм бер дә: урыс теленнән репетиторлык белән шөгыль­ләнәм. Өлкән сыйныф укучыларын БДИга әзерлим, — дигәч, таң калдым. Үзе урыс телен “өчле”лек кенә белгән кеше шундый җаваплы эшкә алынган бит! Сәгатенә 500-600 сум түли-түли аңа балаларын йөрткән әти-әниләр бик кызганыч тоелды.
Баланың беренче сыйныфка барганда укый белү-бел­мәве мәсьәләсенә кил­гәндә, бу бернәрсә хакында да сөйләми, ди галимнәр. Мәктәп бусагасын, картлар әйтмешли, “әлепне таяк дип тә белми” атлап кергән балалар арасында укырга өйрәнеп килгән яшьтәшләрен тиз арада куып җитеп, узып китүчеләр җитәр­лек. “Балагызны укырга өйрәтеп китерегез!” — дип тәкрарлаучы укытучы үз бурычының күпмедер өлешен булачак укучыларының әти-әниләре җилкәсенә күчерергә маташадыр, дигән нәтиҗәгә киләсең...
Шулай итеп, күңелле мәшә­катьләр башлана. Яңа уку елы белән, дуслар!

Миләүшә ЛАТЫЙПОВА.





Басып чыгарырга



  • Имя:
    E-Mail:


  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера

  • Включите эту картинку для отображения кода безопасности
    Введите код:
     
     
    Нажимая на кнопку, вы соглашаетесь с обработкой персональных данных




Бүләккә- чәчәк гафу ителәчәк
Сегодня, 20:10 :: Көнүзәк
Бүләккә- чәчәк гафу ителәчәк
Азат Абитов:
Сегодня, 19:22 :: Мәдәният һәм сәнгать
Азат Абитов: "Йөрәгем әлегә бикле"
Камелия - дөнья чемпионы!
Сегодня, 15:02 :: Спорт
Камелия - дөнья чемпионы!
Яңа елда – яңа түләүләр!
Сегодня, 14:31 :: Яңалыклар
Яңа елда – яңа түләүләр!
Бүген — Кеше хокукларын яклау көне
Сегодня, 13:49 :: Җәмгыять
Бүген — Кеше хокукларын яклау көне








Новости русской версии сайта

Яңа номер

143 (25297) от 11 декабря 2018


Игътибар итегез

sendmail

Безгә кушылыгыз

Вступить в нашу группу Вконтакте

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.


ТВ карагыз!

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Антитеррор

Антитеррор




Рубрикалар




Материаллар архивы












Печать книг

Безнең иске сайтыбыз

Филиалы ГУП РБ ИД
«Республика Башкортостан»