Барлык яңалыклар
20 октябрь 2021, 21:35

Без аларны онытырга тиеш түгел!

Ә.З. Вәлиди исемендәге Милли китапханәдә «Башкорт Республикасының барлыкка килү чыганагы башында торган дәүләт эшлеклеләренең фәнни мирасы" китабының беренче томын тәкъдир итү булды.

Без аларны онытырга тиеш түгел!
Без аларны онытырга тиеш түгел!

Презентациядә катнашучыларны Башкортстан Хөкүмәте вице-премьеры Азат Бадранов һәм Милли китапханә директоры вазыйфаларын башкаручы Марат Зөлкарнаев сәламләде. Китапны тәкъдим итеп, Азат Шамил улы әлеге проектны булдыру нияте турында сөйләде.

«Әлеге кешләрнең биографиясен өйрәнгәч, аларның гомерләрен Башкортстанга, Русиягә хезмәт итүгә багышлавы аңлашыла. Тарихи гаделлекне тергезү максатында, иҗтимагый башлангычларда бу исемнәрне кире кайтару эше башланды. Бу мирас узган вакыйгаларга карашны яңача ача. Әлеге проектны булдыру идеясе республикага 2018 елда кайтканнан соң һәм безнең тарихчылар белән аралашканнан соң барлыкка килде. Бәхеткә, тарихчылар бу эшне башлап җибәргән инде: аерым эшләр тәрҗемә ителгән. Бу җыентыкны булдыруга 2,5 елга якын вакыт киткән, финанс мәсьәләләре хәл ителгән. Быел без алдагы томнар һәм серия язмышын Грант кысаларында финанслау белән тәэмин иттек. Бу-уникаль шәхесләр, аларның эшләре турында замандашлар, әлбәттә, белергә тиеш».

Вице-премьер сүзләренчә, китап беренче тапкыр фәнни әйләнешкә яңа материаллар, яңа чыганаклар кертелүе белән уникаль.

«Бу кешеләрнең биографик мәгълүматларын өйрәнеп, аларның барысы да үз тормышларын Башкортстанга һәм Русиягә хезмәт итүгә, күпмилләтле дәүләтебезне торгызуга багышлаулары аңлашыла. Без республикага, аның халыкларына, дәүләткә хезмәт иткән уникаль шәхесләрнең исемнәрен кайтарабыз», – дип нәтиҗә ясады вице-премьер.

Беренче том агымдагы көннәргә иң зур әзерлеккә ия булган материаллардан төзелде. Киләчәктә яңа өч томлыкта үзләренең фәнни мирасын калдырган барлык дәүләт эшлеклеләренең эшчәнлеге турында язылачак. Авторлар яңа материаллар барлыкка килгәндә сериянең дәвамы һәм томнарның саны артырга мөмкин дип саныйлар.

Чарада катнашучылар актуаль тарихи тәҗрибәне өйрәнү мәсьәләләре буенча фикер алышты, Башкортстан Республикасы оешуның башында торган дәүләт эшлеклеләренең фәнни эшчәнлеген чагылдырган узган гасырның 20-30нчы елларындагы китаплар һәм журналлар күргәзмәсе белән танышты.

Фото: bashinform.ru

Автор:Резеда Галикәева
Читайте нас в