Экология форумы зур кызыксыну тудырды

Форумда дәүләт власте органнары вәкилләре, галимнәр һәм эшкуарлар арасында экология өлкәсендәге иң актуаль мәсьәләләрне хәл итү буенча фикер алышты.

— Республикада каты көнкүреш калдыклары белән эшләү системасы үзгәртеп корыла, — диде Елена Родина. — Чүпне сортларга аеру, эшкәртү инфраструктурасы һәм бу системаның башка элементлары формалаша.

Форумда һәм күргәзмәдә илебездә кулланыла торган иң яхшы тәҗрибәләр белән танышып кына калмыйбыз, ә аларны үзебезгә күчерү хәстәрен күрәбез. Күргәзмәдә катнашучыларда экологик хәвефсезлек һәм альтернатив энергетика өлкәсендәге предприятиеләрнең эшләнмәләре, Уфаның балалар экология-биология үзәкләре экспозицияләре зур кызыксыну уятты. Заманча “Яшь урбанист-эколог” шәһәр киңлеге проектлары мәйданчыгы эшләде, паркларны һәм йорт яны территорияләрен төзекләндерү буенча проектларны тәкъдир итү оештырылды.

Форум кысаларында “Иҗтимагый киңлекләр белән идарә итү” секциясе, студентлар, аспирантлар һәм яшь галимнәрнең “Су белән тәэмин итү, су бүлү һәм тирә-як мохитне саклау системалары” дигән халыкара фәнни-техник конференция, “ТКХ өчен санлы технологияләр. Торак-коммуналь хуҗалыкны санлаштыру ачкычы буларак инженер белеме” дигән темага “түгәрәк өстәл” үткәрелде.