-10 °С
Болытлы
Гәзиткә язылуVKOKTelegramЯRus
Барлык яңалыклар
Көнүзәк
23 сентябрь 2015, 21:44

Сипайлово буйлап – ралли…

Уфаның Юрий Гагарин урамын автомобильчеләр юкка гына Париж – Дакар трассасы белән чагыштырмый.“Русиядә ике бәла – юләрләр һәм юллар”, – дигән урыс әдәбияты классигы Н. В. Гоголь. Бу сүзләр моннан ике гасыр элек әйтелсә дә, һаман актуальлеген югалтмый. Юләрләр саны чорга, җәмәгать тәртипләренә бәйле булмаса да, юллар­ның хәле үзебездән тора. Соңгы елларда бу мәсьә­ләдә уңай якка үзгәрешләр күзгә ташланса да, кызганычка каршы, хәлләр канә­гатьләнерлек түгел әле.

Мин Уфаның Сипайлово бистәсендәге Юрий Гагарин урамында яшим. Шәхси автомобилемдә көн дә шушы юлдан эшкә барып, эштән кайтырга туры килә. Шәһәр үзәгендәге юллар шәп анысы. Уфада узган саммитлардан соң асфальт яңартылып, көзге кебек ялтырап ята. Тик менә Гагарин урамындагы ике-өч чакрым ара ралли трассасын хәтерләтә. Уңда – чокыр, сулда – таучык: шуларга эләкмәс өчен, рульне төрле якка боргалыйсың, машина дөбер-шатыр килә, янда утыру­чылар­ның күңеле болгана, аннан да бигрәк, дүрт тәгәрмәчле “дустым­ны” кызганудан җаным әрни. Бу хәл елның-елында кабатлана. Юлны хезмәтлән­дерүче оешмалар язын чокырларны тегеннән-моннан ямаштырып чыгалар да, шуның белән вәссәлам! Йөзләгән ямаулыктан корама юрганны хәтерләткән урам бер-ике атна ярыйсы гына хәлдә була да, тиз­дән янә элекке торышына кайта. Иске чокырлар кабат “кал­кып” чыга, яннарына яңалары өстәлә.
Читайте нас в