Барлык яңалыклар
Көнүзәк
23 август 2021, 20:52

Үзебезнеке яхшырак!

«Башкортстан продукты» проекты дипломантлары Русиянең барлык төбәкләрендә дә үз товарларын сата.

Үзебезнеке яхшырак!
Бу хакта бүген төбәк Башлыгы Радий Хәбиров үткәргән атналык оператив киңәшмәдә республиканың сәүдә һәм хезмәт күрсәтү министры Алексей Гусев хәбәр итте.

Республика җитештерүчеләренең проектта катнашуы - бушлай. 2021 елның август башына ул 560 катнашучыны берләштерә, шуларның 494е – азык-төлек товарлары җитештерүчеләр һәм 66сы - азык-төлек товарлары җитештерүчеләр. «Башкортстан продукты» билгесе белән 19 248 төр продукция маркировкалана. 2021 ел ахырына проектта катнашучылар саны 600 эшкуардан артыр дип көтелә.

– Федераль җитештерүчеләр белән эшләү, логистиканы дөрес урнаштыру нәтиҗәсендә, проект республика продукциясен безнең ритейл киштәләренә генә түгел, ә республикадан читкә дә чыгарга мөмкинлек бирә, - дип ассызыклады Алексей Гусев. - 2021 елга безнең 106 җитештерүче Федераль сәүдә челтәрләренең супермаркетларында тәкъдим ителгән. Моннан тыш, 16 дипломант үз продукциясен экспортка чыгара.

Алга таба министр, 2021 елда «Башкортстан продукты» азык-төлек булмаган товарлар җитештерүчеләр проектына керү өчен гомумрусия икътисади эшчәнлек төрләре классификаторы буенча чикләүләрне бетерде, дип сөйләде. Хәзер республика җитештерүчеләренең күбесе эчке һәм тышкы базарларда товарларны алга этәрүдә ярдәм итә ала.

2020 елда «Башкортстан продукты» масштаблы ребрендинг үткәрелде. Аның концепциясе җитештерүчеләр һәм сатып алучыларга юнәлдерелгән. Проект дипломантларына ярдәм итү өчен даими рәвештә төрле форматларда укулар, күргәзмәләр һәм ярминкәләр, шулай ук сәүдә-сатып алу конференцияләре үткәрелә.

Башкортстан Башлыгы Радий Хәбиров республика территориясендә сәүдәне үстерү буенча эш нәтиҗәләрен уңай бәяләде.

- Проект яхшы темплар белән үсә, авыл хуҗалыгы продукциясен эшкәртү күләмнәре артуны стимуллаштыра, – диде Радий Хәбиров. - Республика хәзер Идел буе федераль округында эшкәртү буенча алтынчы урында тора, алга барырга, алдынгы позицияләргә чыгарга омтылырга кирәк. "Башкортстан продукты" нәкъ менә шуңа булыша.

Белешмә:

«Башкортстан продукты» проектын төбәктә 2013 елдан бирле тормышка ашыралар. Аны республика җитештерүчеләре продукциясен җитештерүне һәм куллануны стимуллаштыру, шулай ук эчке һәм тышкы базарларда товарларны алга этәрү өчен башлап җибәрделәр.

Фото: glavarb.ru


Автор:Резида Валитова