-18 °С
Болытлы
Гәзиткә язылуVKOKTikTokINSTAGRAM
Барлык яңалыклар
Көнүзәк
3 сентябрь 2021, 09:55

"Һәммәгезгә рәхмәт белдерәм"

Республика Башлыгы Радий Хәбиров социаль челтәрләрдә пост урнаштырган.

"Һәммәгезгә рәхмәт белдерәм"
Башкортстандагы урман янгыннарын туктаттык, әмма җиңел суларга иртәрәк әле. Белорет һәм Әбҗәлил районнарында барысы да тыныч түгел, алда - нәтиҗәләр ясау. Ә бүген монда, Хәйбулла районында, урман янгыннарын бетерүдә катнашкан барлык кешеләргә рәхмәт белдерәм. Без чын табигый куркыныч алдында идек. Үземнең, МЧС, Урман хуҗалыгы министрлыгы алдына куелган төп бурыч - торак пунктларга зыян китермәү булды. Бу бурычны без үти алдык.

Икенче бурычны да уңышлы башкардык - янгыннарның артык нык таралуына юл куймадык.

Табигый янгыннар белән көрәшергә профессионалларга беренче көннән үк волонтерлар, урындагы халык ярдәм итте. Башка районнардан һәм төбәкләрдән дә килделәр. Барлыгы - 4000дән артык волонтер. Ярдәмчел, чит проблемаларга битараф булмаган кешеләр күплеген искә алып, без Яшьләр сәясәте буенча дәүләт комитетында яшьләрне укыту һәм волонтерлар белән эшләү үзәге оештырдык.

Безнең хәзерге бурыч - шушы авыр җәйдән сабаклар алу һәм киләсе янгын хәвефе чорына әзерләнү. Матди базаны ныгыту кирәклеген күрәбез. Ноябрьгә кадәр бу юнәлеш буенча программа әзерлибез. Көз көне республика өчен сатып алынган Ка-32 вертолётын сынау башланачак. Ул иң катлаулы шартларда янгыннарны сүндерү өчен җайлаштырылган.

Ышанам, чаралар җыелмасы безгә киләсе җәйгә дөрес әзерләнергә мөмкинлек бирәчәк. Ләкин кабатлап әйтәсем килә, иң мөһиме - кешеләр. Һәм мин яңадан безнең уртак проблеманы хәл итүгә кушылган һәр кешегә рәхмәт белдерәм.

 

Автор:Резеда Галикәева