-6 °С
Болытлы
Барлык яңалыклар
Көнүзәк
31 октябрь 2021, 14:30
Аларны халык танып тора!
Илебездә Бөтенрусия халык исәбен алу кампаниясе бара. Ул 14 ноябрьгә кадәр дәвам итәчәк. Җанисәптә гадәти юл белән дә, 8 ноябрьгә кадәр “Дәүләт хезмәтләре” порталы аша онлайн катнашырга да, шулай ук стационар участокларга барып, язылырга да мөмкин.
Аларны халык танып тора!
Җитди әзерлек белән
Кырмыскалы районында да бу мөһим кампаниягә җитди әзерлек белән керделәр. Район буенча 16 исәп алу участогы төзелде һәм һәрберсенә контролер билгеләнде, алар 97 исәп алучының эшен даими күзәтү астында тота, тикшерә, ярдәм күрсәтә. Исәп алучыларның эше дә җиңелдән түгел — 18 774 йорт буйлап йөреп чыгу бурычы йөкләтелгән, һәрберсенә 550әр кеше туры килә.
Әлбәттә, эшләп йөрүчеләрне өйдә очратыр өчен кичке вакытны сайларга туры килә. Шуңа карамастан, исәп алучыларның кәефе көр, мөһим кампаниянең беренче көннәре уңышлы гына башланып китте. Өч көн дәвамында барган укуларның да файдасы зур булды: эшне алып бару барышы башыннан ахырына кадәр аңлатылды. Контролерлар да даими рәвештә бәйләнештә тора: көн дә иртән исәп алучыларның сәламәтлек торышы белән кызыксына, килеп туган сорауларга аңлатма бирелә, шулай ук хәвефсезлек мәсьәләләре дә игътибар үзәгендә кала.
Беренче атна нәтиҗәләре ничек?
Исәп алучылар – шул ук авыл кешеләре, үзләренең исәп участогында аларны күпләр танып-белеп тора. Әлбәттә, махсус киемнәре дә бар: “Всероссийская перепись-2020” дигән тамгалы зәңгәр шарфта, зәңгәр жилеттан киенгән, кулында “Росстат” дип язылган портфель һәм планшеты бар икән – димәк, сезгә чын исәп алучы килә. Үзләре белән таныклык һәм паспорт та йөртә.
Беренче көннәрнең нәтиҗәләренә карап, кырмыскалылыларның әлеге кампаниядә актив катнашуы ачык күренә. Күпфункцияле үзәк, Авыл хуҗалыгы идарәсе һәм авыл биләмәләре хакимиятләре биналарында урнашкан стационар участоклардан кеше өзелми. “Дәүләт хезмәтләре” порталында теркәлүчеләр дә бар. Бу исә исәп алучыларның эшен бераз җиңеләйтә, GR-кодны сканерлау да җитә һәм барлык мәгълүмат планшетка күчә. Бу көннәрдә исәп алучылар әллә ни кыенлыкларга юлыкмады, дисәк дә була. Һәрхәлдә, Кабак авылы биләмәсендәге исәп алучыларны һәр йортта якты йөз белән каршы алдылар.
Шулай, Миләүшә Янышеваның исәп алучы буларак эш көне төштән соң, мәктәптә дәресләр тәмамлангач башлана. Һөнәре буенча ул – укытучы. Тумышы белән Чишмә районыннан булса да, барлык гомере шушы авыл белән бәйле, шуңа ул биредә барысын да яхшы белә, үзен дә хөрмәт итәләр. Өч дистә ел мәктәптә эшләү дәверендә күпме балаларны укырга-язарга, дөньяны танып-белергә өйрәткәндер?! Әлеге вакытта башлангыч сыйныфлар укытучысы социаль педагог вазыйфасын да алып бара. Шул ук вакытта авыл биләмәсе тормышында уздырылучы барлык чараларның уртасында кайный. Ә исәп алучы нәкъ шундый булырга тиеш тә, шуңа һәр йортта аның өчен ишек ачык.
Шул ук вакытта Миләүшә Әнәс кызы иңнәренә агымдагы кампания чорында тагын бер бурыч йөкләтелде – район буенча билгеләнгән өч блогерның берсе ул. Социаль челтәрләрдәге үзенең битендә, исәп алучы буларак, көндәлек эшчәнлеге белән таныштырып бара.
Исәп алучыларга ишек ачык
Бу көнне Миләүшә Әнәс кызы белән үзенә беркетелгән участоклардагы йортлар буенча да йөреп чыктык. Агымдагы елда 90 яшен билгеләгән Мәкфия Латыйпованың тормышында бу ничәнче исәп алудыр – үзе дә хәтерләми. Ләкин һәрвакыт катнашып бардым, ди ул.
— Өлкән яшьтә булса да, әни дөнья вакыйгалары белән кызыксынып яши, телевизор карый, гәзит укый. Исәп алучының килүен дә көтә иде, — ди хезмәт ветеранының кызы Филүзә.
Мәкфия Талип кызының барлык гомере Чишмә районының Ибраһим авылы белән бәйле. Урындагы колхозда тир түккән: чөгендер басуларын да иңләгән, бакча да үстергән, фермада да эшләгән. Олыгайгач һәм сәла-мәтлеге какшагач, кызы үзе янына алып килгән, менә инде 10 ел тирәсе ул кызы белән бер түбә астында Кабак авылында яши.
Фәһимә апа Әхмәтшинаны йорты янындагы балалар мәй-данчыгында очраттык. Оныгын бирегә уйнарга алып чыккан иде. Шунда анкета сорауларына да бик теләп җавап бирде һәм исәп алучыларга авыр эшләрендә уңышлар теләде.
Исәп алу мәгълүматлары илебезне, төбәкне яисә районны үстерү турында карарлар кабул итү өчен нигез булып торачак. Шуңа анда һәркем катнашырга тиеш!
Эльвира Ямалетдинова,
“Кызыл таң”ның үз хәбәрчесе.
Кырмыскалы районы.
Кырмыскалы районында да бу мөһим кампаниягә җитди әзерлек белән керделәр. Район буенча 16 исәп алу участогы төзелде һәм һәрберсенә контролер билгеләнде, алар 97 исәп алучының эшен даими күзәтү астында тота, тикшерә, ярдәм күрсәтә. Исәп алучыларның эше дә җиңелдән түгел — 18 774 йорт буйлап йөреп чыгу бурычы йөкләтелгән, һәрберсенә 550әр кеше туры килә.
Әлбәттә, эшләп йөрүчеләрне өйдә очратыр өчен кичке вакытны сайларга туры килә. Шуңа карамастан, исәп алучыларның кәефе көр, мөһим кампаниянең беренче көннәре уңышлы гына башланып китте. Өч көн дәвамында барган укуларның да файдасы зур булды: эшне алып бару барышы башыннан ахырына кадәр аңлатылды. Контролерлар да даими рәвештә бәйләнештә тора: көн дә иртән исәп алучыларның сәламәтлек торышы белән кызыксына, килеп туган сорауларга аңлатма бирелә, шулай ук хәвефсезлек мәсьәләләре дә игътибар үзәгендә кала.
Беренче атна нәтиҗәләре ничек?
Исәп алучылар – шул ук авыл кешеләре, үзләренең исәп участогында аларны күпләр танып-белеп тора. Әлбәттә, махсус киемнәре дә бар: “Всероссийская перепись-2020” дигән тамгалы зәңгәр шарфта, зәңгәр жилеттан киенгән, кулында “Росстат” дип язылган портфель һәм планшеты бар икән – димәк, сезгә чын исәп алучы килә. Үзләре белән таныклык һәм паспорт та йөртә.
Беренче көннәрнең нәтиҗәләренә карап, кырмыскалылыларның әлеге кампаниядә актив катнашуы ачык күренә. Күпфункцияле үзәк, Авыл хуҗалыгы идарәсе һәм авыл биләмәләре хакимиятләре биналарында урнашкан стационар участоклардан кеше өзелми. “Дәүләт хезмәтләре” порталында теркәлүчеләр дә бар. Бу исә исәп алучыларның эшен бераз җиңеләйтә, GR-кодны сканерлау да җитә һәм барлык мәгълүмат планшетка күчә. Бу көннәрдә исәп алучылар әллә ни кыенлыкларга юлыкмады, дисәк дә була. Һәрхәлдә, Кабак авылы биләмәсендәге исәп алучыларны һәр йортта якты йөз белән каршы алдылар.
Шулай, Миләүшә Янышеваның исәп алучы буларак эш көне төштән соң, мәктәптә дәресләр тәмамлангач башлана. Һөнәре буенча ул – укытучы. Тумышы белән Чишмә районыннан булса да, барлык гомере шушы авыл белән бәйле, шуңа ул биредә барысын да яхшы белә, үзен дә хөрмәт итәләр. Өч дистә ел мәктәптә эшләү дәверендә күпме балаларны укырга-язарга, дөньяны танып-белергә өйрәткәндер?! Әлеге вакытта башлангыч сыйныфлар укытучысы социаль педагог вазыйфасын да алып бара. Шул ук вакытта авыл биләмәсе тормышында уздырылучы барлык чараларның уртасында кайный. Ә исәп алучы нәкъ шундый булырга тиеш тә, шуңа һәр йортта аның өчен ишек ачык.
Шул ук вакытта Миләүшә Әнәс кызы иңнәренә агымдагы кампания чорында тагын бер бурыч йөкләтелде – район буенча билгеләнгән өч блогерның берсе ул. Социаль челтәрләрдәге үзенең битендә, исәп алучы буларак, көндәлек эшчәнлеге белән таныштырып бара.
Исәп алучыларга ишек ачык
Бу көнне Миләүшә Әнәс кызы белән үзенә беркетелгән участоклардагы йортлар буенча да йөреп чыктык. Агымдагы елда 90 яшен билгеләгән Мәкфия Латыйпованың тормышында бу ничәнче исәп алудыр – үзе дә хәтерләми. Ләкин һәрвакыт катнашып бардым, ди ул.
— Өлкән яшьтә булса да, әни дөнья вакыйгалары белән кызыксынып яши, телевизор карый, гәзит укый. Исәп алучының килүен дә көтә иде, — ди хезмәт ветеранының кызы Филүзә.
Мәкфия Талип кызының барлык гомере Чишмә районының Ибраһим авылы белән бәйле. Урындагы колхозда тир түккән: чөгендер басуларын да иңләгән, бакча да үстергән, фермада да эшләгән. Олыгайгач һәм сәла-мәтлеге какшагач, кызы үзе янына алып килгән, менә инде 10 ел тирәсе ул кызы белән бер түбә астында Кабак авылында яши.
Фәһимә апа Әхмәтшинаны йорты янындагы балалар мәй-данчыгында очраттык. Оныгын бирегә уйнарга алып чыккан иде. Шунда анкета сорауларына да бик теләп җавап бирде һәм исәп алучыларга авыр эшләрендә уңышлар теләде.
Исәп алу мәгълүматлары илебезне, төбәкне яисә районны үстерү турында карарлар кабул итү өчен нигез булып торачак. Шуңа анда һәркем катнашырга тиеш!
Эльвира Ямалетдинова,
“Кызыл таң”ның үз хәбәрчесе.
Кырмыскалы районы.
Аларны халык танып тора!
Читайте нас:
© 2019-2024 “KizilTan” электрон басмасы элемтә, мәгълүмат технологияләре һәм киңкүләм коммуникацияләр өлкәсендә күзәтчелек буенча федераль хезмәт тарафыннан теркәлгән.
Теркәлү саны: 2019 елның 24 маендагы Эл сериясе № ФС 77-75682.
Басманың яшь категориясе 12+
___________________
Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)
Регистрационный номер: серия Эл № ФС 77-75682 от 24 мая 2019 г.
Возрастная категория издания 12+
Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.
____________________
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Баш мөхәррир Фаил Камил улы Фәтхетдинов.
Кабул итү бүлмәсе телефоны: 8 (347) 272-13-61.
___________________
Главный редактор: Фатхтдинов Фаил Камилович.
Телефон приемной: (347) 272-13-61.
Телефон
8(347)272-13-61
Электрон почта
kyzyltan@mail.ru
Адресы
450079, Уфа шәһәре, Октябрьнең 50 еллыгы урамы, 13 нче йорт
Реклама хезмәте
8(347)272-62-27
Хезмәттәшлек
8(347)272-62-27