Күчмә цивилизацияләрнең Евразия музеен 2025 елда төзи башлаячаклар

Төбәк җитәкчесе булачак музей комплексының һәм аның тирәсендәге территориянең эшләп бетерелгән макеты белән танышты. Төп бинадан тыш, 27 мең квадрат метр мәйданда 5 мең урынга исәпләнгән ачык амфитеатр, автомобиль парковкасы, шулай ук төзекләндерелгән җәяүлеләр зоналары һәм күзәтү мәйданчыклары урнаштыру планлаштырыла.

- Евразия күчмә цивилизацияләр музее бинасы җиргә төшкән силуэтка ия булды. Музейның күләмнәре гамәлдәге рельефка интеграцияләнгән. Түбәсе бетоннан эшләнәчәк, урындагы үсемлекләр белән яшелләндереләчәк һәм җәяүлеләр зонасының бер өлеше булачак. Музей бинасы ике төрле дәрәҗәдәге күләмгә бүленә. Беренче күләм - стилобат өлеше. Икенчесе - музейның төп бинасы, - дип хәбәр итте «Архтамга» эксперт-проект бюросы директоры Рөстәм Әлибаев.

Визит-үзәк мәйданчыгында булачак музей комплексының инженер-техник һәм дизайнер карарлары, шулай ук аның экспозициясен формалаштыру планнары тәкъдир ителде.

- Проектны гамәлгә ашыру вакытын һәм аның һәр этабын финанслау механизмын төгәл аңлау мөһим. Безнең бурыч - киләсе, 2025 елда ук музей төзелешенә керешү. Бу берничә елга сузылган проект, - дип ассызыклады Радий Хәбиров.

Евразия күчмә цивилизацияләр музее контурында шулай ук Башкорт аты һәм аучы кошлар үзәге һәм заманча «күчмә» кунакханә булдыру күздә тотыла. Презентациядә әлеге проектларны гамәлгә ашыру вакыты һәм аларны финанслау механизмнары каралды.

Фото: glavarb.ru