Барлык яңалыклар
Календарьда бу көн
21 гыйнвар 2016, 02:00

21 гыйнвар. Тарихта эзе мәңгелек...

21 гыйнвар – бөек юлбашчы Владимир Ильич Ленинның үлгән көне. Ленин... Без үскәндә искиткеч көчкә ия, сокланып һәм горурланып әйтә торган бер исем иде бу. Еллар үтте, хәзер инде бөек коммунистның кем икәнен белмәүче балалар барлыгына да гаҗәпләнмиләр. Шулай да Ленинның безнең ил тарихындагы эзе мәңгелек.

Уфада Владимир Ильич ике тапкыр була. 1900 ел­ның февраль һәм июнь айларында. Бу хөрмәткә Уфада музей оештырыла. Ленин яшәгән йорт янындагы ике катлы бина сайлана. Архитекторы – Г. Адамович. Оеш­тыру эшләре 1938-41 елларда Надежда Крупская күзәтүе астында бара, анда шул еллардагы тормыш мохите булдырыла, Ленинның революцион эшчәнлеген чагылдыручы күргәзмә эшләнә.

Йорт-музей 1941 елның 21 гыйнварында ачыла. Өч ай эчендә музейга килүче­ләр саны 12 мең кешедән артып китә. Барлыгы музейда 87 дәүләттән дүрт миллионнан артык кеше була. Аның иң беренче директоры – Ш. Хәнәфин. 1943 елдан алып 40 елдан артык музейны Хәят Әхмәтова җитәк­ли.

Сиксәненче елларда музей тирәли мемориаль зона оеша. Музей янында рево­лю­циягә кадәрге Уфаның бер өлеше тергезелә. Кызыл кирпечтән өйләр төзелә, урам фонарьлары урнаштырыла. Бу урын дәүләт тарафыннан сакланучы архитектура һәйкәле дип игълан ителә.

Музей комплексы 2002 елда иске төзелешләр белән бергә юк ителә, ул урында элита торак комплексы күтә­релә. Иске өйдәге музей гы­на исән һәм эшләвен дә­вам итә.
Читайте нас в