+15 °С
Болытлы
Гәзиткә язылуVKOKTelegram
Барлык яңалыклар
Календарьда бу көн
27 февраль 2016, 02:00

Учта йомырка сытарга онытмагыз!

Кәбисә ел барча халыкларда да төрле хорафатлар белән бәйле. Әлеге вакытта, бу ел төрле бәхетсезлекләр алып килергә мөмкин, дип ышанылса, борынгы славяннар, бу ел бәхет алып килә, дип уйлаган.

Мәсәлән, 29 февральдә алар барча кара көчләрнең башлыгы, җир асты дөнья­сында яшәүче Үлем алласы – Кащей Чернобогның көнен билгеләгән. Ни өчен ул бәйрәм итеп саналган, дип сорыйсызмы? Бу Кощейны, димәк, дөньядагы барча явызлыкны, юкка чыгару мөмкин булган бердәнбер көн булып исәплә­нелгән. Моның өчен 29 фев­ральдән 1 мартка каршы төндә чи йомырканы учта сытарга кирәк. Мөгаен, белә­сездер, әкиятләрдә Кощейның үлеме – энә очында, ә энә үр­дәк йомыркасы эченә яше­релгән.

Тагын бер ышану: тавык Яңа ел кичендә салган йомырканы шушы төнне таң алдыннан сытсаң, март җылы киләчәк. Иң мөһиме шул: йола башкарганда күңелеңнән барча начар ният омтылышларны алып ташлап, тормышка өмет белән карарга кирәк. Нәкъ шушы төнне календарь яз башлануын да онытырга ярамый. Ә йомырка яңарыш һәм туклык символы булып тора.

Кащей Чернобогны халык озын буйлы, бераз бөкре, кара йөзле, көмешсу мыеклы карт кыяфәтендә күз алдына китер­гән. Ул ничек кенә явыз булмасын, гөнаһлы кешеләргә ге­нә зыян китергән, изге күңел­леләргә тимәгән. Аның җаны яшерелгән йомырканы сыту язны тоткарлап торучы явыз көчләрнең җиңелүен аңлата.
Читайте нас: