Федератив килешү – мөһим документ

Ул 1919 елның 20 мартында Ырынбур губернасы­ның төньяк өязләре нигезендә оештырылган. Территория­сендә шәһәрләр булмаганлыктан, беренче вакытта күр­ше Уфа губернасында урнашкан Стәрлетамак шә­һәреннән идарә ителгән. 1925 елның 27 мартында БАССР­ның беренче Конституциясе кабул ителә.

1990 елның 11 октябрендә Башкорт АССРы Дәүләт мөстәкыйльлеге турында декларация кабул ителә. 1992 елның 25 фев­ралендә Башкорт АССР үзатамасын “Башкортстан Республикасы” исе­менә үзгәртә. 1993 елның 12 окт­ябрендә Башкортстан Рес­публикасының Гимны һәм Гербы кабул ителде. Республика мөстә­кыйль­леген, аның халыклары бердәм­леген һәм дуслыгын гәүдәләндерүче Гимнның авторы – композитор Фәрит Идрисов, текст авторлары — Равил Бикбаев һәм Рәшит Шәкүр, Гербның авторы — Фазлетдин Ислахов.

1992 елның 31 мартында Башкортстан Русиянең башка республикалары белән яңа Федератив килешүгә кул куя. Русия Федерациясе белән Башкортстан Республикасы дәүләт власте органнары арасында идарә итү даирәсен һәм вәкаләтләрне бүлешү турында килешү һәм аңа Кушымта республиканың арытабангы сәяси һәм социаль-икътисади үсе­шендә зур роль уйнады, дип билгели бел­геч­ләр.

Нәкъ шушы документка кул кую нәтиҗәсендә Башкортстан илдәге катлаулы үзгәртеп корулар чорын артык авырлыкларсыз үтә. Федератив ки­лешү шул чор өчен чынлап та мөһим доку­мент була, республикага мөс­тәкыйльлек һәм икътисади үзаллылык бирә.