+22 °С
Ачык
Гәзиткә язылуVKOKTelegram
Барлык яңалыклар
Календарьда бу көн
5 апрель 2016, 02:00

Олимпиадада же-де-пом нигә юк?

1896 елның 6 апрелендә, моннан 120 ел элек, Афинада I җәйге Олимпия уеннары старт алган. Бәйге 15 апрельгә кадәр үткән. Ярышта ике дистәгә якын илдән 241 спортчы катнашкан. Хатын-кызларга чыгыш ясарга рөхсәт ителмәгән. Атлетлар 9 спорт төрендә 43 медаль өчен көрәш­кән. Ярыш оештыру дәрәҗәсе, спортчылар нәтиҗәләре буенча бүгенге Олимпия уеннары белән тиңләшә алмаса да, спорт үсеше өчен зур әһәмияткә ия булган.

Әйтергә кирәк, Олимпия уты эстафетасы, аны кабызу, җиңүче­ләр­не бүләкләү традицияләре дә булмаган. Ярышны оештыручылар спортчы­ларның милләтенә игътибар итмәгән. Хәтта катнашкан илләр саны да төгәл билгеле түгел. I җәйге Олимпия уен-нары турында төгәл мәгълүмат бү-ген­гә кадәр ачыклана һәм камил­ләштерелә.

Русия дә әлеге уеннарга спортчылар җибәрергә әзерләнгән. Мәскәү, Санкт-Петербург һәм башка шәһәр-ләрдә атлетлар күнекмәләр үткән. Бер төркем спортчылар Констан­тинопольгә барып җиткәч, нишләптер, кире борылган. Ватандашыбыз Николай Риттер исә, Афинага барып җитеп, көрәш һәм ату спортында катнашырга гариза биргән, ләкин ул да ни сәбәпледер, гаризасын алып, туган ягына кайтып киткән.

Медальләр саны буенча АКШ җыелма командасы – беренче, Греция – икенче, Германия өченче урын алган. Иң күп медальләрне Карл Шуман, Герман Вайнгертнер, Альфред Флатов (Германия ) һәм Поль Массон (Франция) яулаган.
Халыкара Олимпия комитеты киләчәктә үтәчәк уеннарда ишкәкле көймәләрдә узыш, бокс, же-де-пом, ат спорты, крикет, җилкәнле спорт, поло һәм футболны бәйге программасына кертергә тәкъдим иткән. Күренүенчә, тәкъдимнәр өлешчә игътибарга алынган.
Читайте нас: