Шпионнарга — үлем!

“Смерш” төзү турындагы карар ул вакытта совет-герман фронтында туган хәлгә бәйле барлыкка килә. Бу вакытка Мәс­кәү янындагы алыш фа­шистлар­ның сугышны тиз арада җиңү белән тәмамлау планын юкка чыгара. Сталинград янындагы сугышта да җиңү безнең якта була.

Шул ук вакытта Германия­нең махсус хезмәтләренә үтергеч удар ясалмаган әле. Шуңа күрә сугышның хә­лит­кеч чорында җитәкчелек игътибарын ике мөһим өлкәгә — илне обороналауга һәм гаскәр­ләрне хәвефсез­лән­дерүгә — юнәлтә. “Смерш” органнарына чит развед­калар­ның шпион, диверсион, террорчылык эшчән­легенә, Кызыл Армия частьларында һәм учреж­дениеләрендә сатлык­җанлык һәм Ватанга хыянәт итүгә, фронтларда дезертирлык һәм үз-үзеңне яралауга каршы көрәшү бурычлары салына. Хәрби контрразведкада берничә мең кеше исәптә тора.

Сугыш елларында “Смерш” ­әгъзалары тарафыннан 30 мең­нән артык шпион, өч мең ярым диверсант һәм алты меңнән артык террорчы зарарсызландырылган. Хәрби контрразведка бурычларын яхшы үтәгән.

1946 елның маендагы реформа нәтиҗәсендә, “Смерш” органнарыннан аерым бүлек­ләр оештырылып, яңа структурага — СССРның Дәүләт иминлеге министрлыгы карамагына тапшырыла.