+19 °С
Болытлы
Гәзиткә язылуVKOKTelegram
Барлык яңалыклар
Календарьда бу көн
21 апрель 2016, 02:00

Абруйлы һәм җаваплы һөнәр

Бүген Русиядә Баш хисапчы көне билгеләнә. Сер түгел, һәр предприятиедә бу һөнәр ияләре иңендә зур җаваплылык ята. Хезмәт салучыларның вакытында эш хакы алуы, предприятиенең үсешүе аларның тырышлыгына бәйле.

Беренче карашка, хисапчы­ның хезмәте җиңел кебек. Әйе, алар вагонлап йөк бушатмый, салкыннарда өшеп командировкаларга йөрми. Шул ук вакытта, бертуктаусыз отчетлар төзү, бихисап күп мәгълүматны башта саклау җиңел түгел. Саннарда өтерне ялгыш куйсаң, яки ике ноль урынына өчне язсаң, бәлагә тарыйсың. Шушы үзенчәлекләрне генә күздә тотканда да хисапчы һөнәре ихтирамга лаек.

Әйткәндәй, хисапчы көне Русиянең төрле тө­бәк­ләрендә төрле вакытта бәйрәм ителә. Мәскәүдә – 16 ноябрьдә, Краснодарда – декабрь­нең беренче якшәмбесендә. “Главбух” журналы бу датаны 21 апрельдә билгели. Шуңа күрә бездә нәкъ шушы көн баш хисапчылар бәйрәме санала.

Ә менә бөтен дөньяда хисапчылар һөнәри бәйрәмен 10 нояб­рьдә билгели. Нәкъ шушы көнне хисапчыларның “әтисе” Лука Пачио­линың “Геометрия, арифметика һәм пропор­ция­ләр турында” дигән хез­мәте дөнья күргән.
Читайте нас: