+22 °С
Болытлы
Гәзиткә язылуVKOKTelegram
Барлык яңалыклар
Календарьда бу көн
23 апрель 2016, 02:00

Баш булса, гильотина табылыр...

Гильотина турында күпләрегезнең ишеткәне бардыр. Үлем җәзасын кешеләрнең башын кисү аша гамәлгә ашыра торган корал ул. Патриот-шагыйребез Муса Җәлилнең гомерен дә шушы балта өзә.

Әлеге үлем коралын француз табибы Жозеф Гильотен уйлап чыгара. Беренче карашка, кеше гомерләрен саклар өчен Гиппократ анты биргән кешенең җәлладлар эшен җиңеләй­түче корылма уйлап чыгаруы бик гаҗәп. Ләкин шуны онытмаска кирәк: медицина белгеч­ләре билге­ләвенчә, гильотина аша килгән үлем иң җиңел­ләрдән исәп­ләнә. Үлем җәзасы мизгел эчендә башкарылганга, авырту шогы баш миеннән бөтен гәүдә буйлап таралып өлгерә алмый. Кеше озак сызланмый, үлә алмыйча интекми. Күрә­сең, Жозеф Гильотен шуны уйлагандыр. Чөнки аңа кадәр үлемгә хөкем ителү­че­ләрнең башын җәлладлар мәй­даннарда үтмәс балта белән чабып өзгәннәр.

Уйлап табучы үзенең үлем корылмасын 1792 елның 25 апрелен­дә Парижның Грев мәйданына куя. Шул ук көнне аның ярдәмендә Николя Жак Пелетье исемле юлба­сарның башы чабып өзелә. Башта корылма “луизетка” дип атала, соңрак исә үзен уйлап тапкан кешенең исемен ала.

Үлем җәзасына хөкем ителү­челәргә карата гильотина куллану Франциядә 1981 елның сентябрен­дә генә тыела. Шул рәвешле, бу ил үлем җәзасыннан бөтенләй баш тарта.
Читайте нас: