+8 °С
Яңгыр
Гәзиткә язылуVKOKTelegram
Барлык яңалыклар

Биологик төрлелекне саклау зарур!

2001 елдан алып ел саен 22 майда Халыкара биологик төрлелек көне билгеләнә.

Биологик төрлелек – бүген планетада зур тизлек белән юкка чыга баручы барлык тормыш күптөрлелеге. Үсемлекләр, җәнлекләр, урманнар юк­ка чыга... Күп очракта моңа кеше­ләр­нең актив гамәлләре сәбәпче. 1992 елда БМОның тирә-як мохит турында Рио-де-Жанейрода үткән конферен­ция­сендә планетада биологик күптөр­лелекнең киләчәк язмышы хакында борчылу белдерелде, дөнья җәмәгать-челегенә, иң беренче чиратта аны сак­лауга игътибарны юнәлтергә тәкъ­дим ителде. Бу уңайдан биологик күптөрлелек турында Конвенция кабул ителде. Бүген 200 дәүләт аны хуплаучы булып тора.

Халыкара биологик төрлелек кө­ненең төп бурычы – Җирдә бик күп флора һәм фауна вәкилләренең бөтенләйгә юкка чыгу проблемасына җәмәгатьчелек игътибарын юнәлтү. Планетадагы тормыш төрлелеген саклау өчен көрәшнең бер ысулы – юкка чыгып баручы үсемлек һәм җәнлек­ләрне саклау, табигатькә сакчыл караш булдыру. Бу көнне билгеләү ел саен бер темага багышлана. Мәсәлән, урманнар төрлелеге, утраулар төрле­леге, су һәм биокүптөрлелек һәм башкалар.
Читайте нас: