Бурычлы үлми, приставтан тынгы да күрми

Русия Федерациясендә суд приставлары көне 2009 елдан билге­ләнә. Бу кешеләр дәүләт законнары урнаштырган тәр­типне тәэмин итә, шулай ук барлык суд актларын һәм махсус вәкаләтле органнар актларын башкару бурычларын үти.

Республика суд приставлары бәйрәмнә­рен яхшы уңышлар белән каршылый. Быел хезмәт тарихында бер­ничә әһәмиятле вакыйга булган. Шуларның берсе — Федераль суд приставлары хезмәте директоры Артур Парфенчиковның Башкортстандагы коллегаларына Идарә байрагын тапшыруы. суд башка­ручыларының Уфада узган 7нче Халыкара фәнни-гамәли конференциясе идарә үсешенең яңа баскычын бигеләде. Анда дөнья­ның 22 иленнән килгән 150 хезмәткәр тәҗрибә уртаклашты. Ата-ана каравыннан калган балаларга, өлкән­нәргә һәм инвалидларга ярдәм итү, милеккә карамаган башка хокукларны тергезү — бу мәсьә­ләләрне хәл итүне идарә хезмәт­кәрләре һөнәри генә түгел, әхлакый бурыч итеп тә кабул итә.

Суд приставы эше — катлаулы, ул түземлек, кешелеклелек таләп итә. Шулай да приставның беренче бурычы — законнарны үтәү. Бу хезмәт ияләренең җавап­лы­лык дәрә­җәсе елдан-ел арта. Бүген алар бер миллион башкарма производство үтәү алдында тора, һәр суд приставы көненә җиде-сигез башкарма производство тәмамлый, ягъни бурычларны тулысынча түләтеп бетерүгә ирешә.