Мәгълүматлы, димәк, заманга яраклашкан

Яңа мәгълүмат техно­логияләре, телекоммуникация чаралары кеше тор­мышының аерылгысыз өлешенә әйләнде. Гражданлык җәмгыятен төзү­не, икътисади үсешне, яшәү шартларын дөнья стандартларына якынайтуны тормышыбызның барлык өлкәләренә мәгъ­лүмат технологияләре кертүдән башка күзаллап булмый.

Мәгълүмат кешелек тормышында һәрвакыт мөһим роль уйнады. XX гасыр уртасыннан социаль алга китеш һәм фән белән техниканың үсеше нәтиҗәсендә мәгълү­мат­ның әһәмияте көчәйде.

2008 елда мәгълүмати җәмгыять үсешенең 2015 елга кадәр стратегиясе кабул ителде, ул Русиядә мәгълүмати җәмгыять үсеше өлкәсендә дәүләт хакимияте органнарының стратегик максатларын һәм эшчәнлек юнәлеш­ләрен билгеләде.

Кеше тормышының күпчелек тармагында интернет-технологияләрне үстерү Русия җәмгыятен мәгълүматлаштыруның мөһим юнәлешләренең берсе булып тора. Элег­рәк башка да килмәгән компьютер, кесә телефоны, Интернет, планшет һ.б.) чынбарлыкка әйлән­де.

Соңгы вакытта психологлар мәгълүмат техно-ло­гияләреннән һәм алынган мәгълүматтан дөрес файдаланмауның, аның сыйфатын һәм күләмен контрольдә тотмауның “мәгълүмат стрессы”на китерүе турында сөйли башлады, бу социаль нәтиҗәләрнең һәм сәла­мәтлеккә бәйле пробле­маларның нигезе була ала.