+12 °С
Яңгыр
Барлык яңалыклар
Дөнья бу...
9 август 2021, 10:40
Талаша торган апа...
Кеше ул бертөрле генә булмый. Менә сез юри урамга чыгып, узгынчыларны гына күзәтеп торыгыз: әллә нинди төрле конструкцияләр йөри. Төзелеше төрле булгач, аның эшчәнлеге, хәрәкәт итү, фикер йөртү мөмкинлекләре дә төрлечә була бит инде.
Талаша торган апа...
Алай гына да түгел әле, бер үк кеше дә төрлечә булып күренә. Бер караганда — бертөрле, икенче караганда... Ярый, артык тәфсилләп тормыйк. Болай да озынга китте, бу өлеш сүз башлау өчен генә иде. Хәзер сүз башларга да вакыт калмады менә. Төп өлеше көтеп тилмерә...
Талаша торган кешеләр була. Бөтен кеше дә талаша анысы. Кәефсез чагы булса, җае чыкса, беркем дә мөмкинлеген кулдан ычкындырмый. Ләкин талаша торган кешеләрнең аерым бер породасы бар. Безнең күршедә шундый бер апа яши. Өйгә кайтканда очрый — эләгешә, чыгып киткәндә очрый — тагы нәрсәгәдер бәйләнә. Эндәшмәсәң — кимсенә, үзен трактор кабыза алмаган булдыксыз механизатор сыманрак тоя. Шулай да бит инде — кабыза алмады. Мин кабынып китмәдем, хәтта төсем дә үзгәрмәде, төгем дә селкенмәде. Авыз ачып хәтта бер сүз дә әйтмәдем. Юк, болай булмый. Моңа кичекмәстән нәрсәдер эшләргә кирәк, минем ниндидер авырткан җиргә кагылып узарга. Ә теге булдыра алмый. Кыза, каушый, дулкынлана. Дулкынлангач, башы анык эшләми, минем авырткан җирне таба алмый, исенә төшми теге. Бу тагы да ныграк дулкынлана. Инде исенә төште, эләктереп алдым гына дигәндә мин китеп югалам. Теге, үзенең табышын тотып, ялгызы кала. Һәм, ачуына тончыга-тончыга чираттагы корбанын көтә башлый.
Ә талаша алса! Ул бәхетле. Ул үз көченә, үз булдыклылыгына, үзенең кабатланмас шәхес икәненә ышана. Әнә ич, ярты сүздән кабындырып җибәрде. Әле талаша башлагач та вакыйгалар җебен кулында тотты: кирәкле җирдә тыелыбрак, кирәкле җирдә мунчага эссе салган сыман пар өстәп, бөтен талашу процессы белән ул идарә итте. Ул!
Бу очракта үзен Берлинны алган кебек тоя инде. Иртән үк берәрсе белән талашса, көне буе балкып, елмаеп, бәхетле булып, башкаларны да нурга күмеп йөри. И, аның әйбәтлекләре! Нәрсә сорасаң, шуны бирергә, нәрсә кушсаң, шуны үтәргә мөмкин. Ул изгелектән генә торган кебек. Шул рәвешле шатлык хисләрен исраф итеп бетерә дә моңсуланып кала. Күңелсезләнә. Аңа тагын кем беләндер талашырга кирәк. Талашмаса, башы авырта башлый, чиргә сабыша.
Аяк астында уралып йөргән песине тибеп очырырга мөмкин, телевизор аша берәр депутат, яки президентның үзе белән талашырга. Радио белән. Телефон белән. Интернетта кара комментлар язарга. Ләкин боларның берсе дә файда бирми. Аңа кеше кирәк. Тере кеше. Хәтта ниндидер беткәнбаш адәм дә түгел. Ну, нәрсә әйтсәң дә башын иеп тыңлап тора торган мескен белән ни ләззәте бар инде талашуның?! Үткән-сүткән саен бәйләнсә дә, мине дә яратмый ул. Миннән файда юк. Нәрсә инде мин... Бик ныкышса, гуманитар ярдәм йөзеннән генә бер ике сүз әйтергә мөмкинмен. Һәм вәссәлам. Үзе кебек очкын чәчрәтеп торган зат кирәк. Менә шуны кабындырып җибәрә икән, ул инде кабат үз җиһанына кайта. Кабат бәхетле була.
Әле күптән түгел генә берәү күрше булып күченеп килде. Хатын-кыз. Ире бар микән, белмим. Әлегә күренмәде. Атна-ун көн чамасы мыштым гына йөрде бу. Аннары минем күрше моның кылын тартып карады. Кыска вакытлы кискен конфликт булып алды. Бераздан тагын. Һәм ахырда боларның характерлары туры килгәнлеге ачыкланды. Хәзер инде бөтен эшләре җайга салынган. Иртә белән әле берсенә, әле икенчесенә кереп, ду килеп талашалар да көне буе бәхетле булып йөриләр, бертуганнар кебек аралашалар, бер-берсенә ярдәм итәләр. Ә кич җиткәч, тагы талашалар. Һәм бәхетле булып йокларга яталар. Икенче көн тагын җайланган маршрут буенча бара. Икесе дә бәхетле.
Кешеләр төрле булган кебек үк, аларны бәхетле итү юллары да төрле була.
Марат Кәбиров.Талаша торган кешеләр була. Бөтен кеше дә талаша анысы. Кәефсез чагы булса, җае чыкса, беркем дә мөмкинлеген кулдан ычкындырмый. Ләкин талаша торган кешеләрнең аерым бер породасы бар. Безнең күршедә шундый бер апа яши. Өйгә кайтканда очрый — эләгешә, чыгып киткәндә очрый — тагы нәрсәгәдер бәйләнә. Эндәшмәсәң — кимсенә, үзен трактор кабыза алмаган булдыксыз механизатор сыманрак тоя. Шулай да бит инде — кабыза алмады. Мин кабынып китмәдем, хәтта төсем дә үзгәрмәде, төгем дә селкенмәде. Авыз ачып хәтта бер сүз дә әйтмәдем. Юк, болай булмый. Моңа кичекмәстән нәрсәдер эшләргә кирәк, минем ниндидер авырткан җиргә кагылып узарга. Ә теге булдыра алмый. Кыза, каушый, дулкынлана. Дулкынлангач, башы анык эшләми, минем авырткан җирне таба алмый, исенә төшми теге. Бу тагы да ныграк дулкынлана. Инде исенә төште, эләктереп алдым гына дигәндә мин китеп югалам. Теге, үзенең табышын тотып, ялгызы кала. Һәм, ачуына тончыга-тончыга чираттагы корбанын көтә башлый.
Ә талаша алса! Ул бәхетле. Ул үз көченә, үз булдыклылыгына, үзенең кабатланмас шәхес икәненә ышана. Әнә ич, ярты сүздән кабындырып җибәрде. Әле талаша башлагач та вакыйгалар җебен кулында тотты: кирәкле җирдә тыелыбрак, кирәкле җирдә мунчага эссе салган сыман пар өстәп, бөтен талашу процессы белән ул идарә итте. Ул!
Бу очракта үзен Берлинны алган кебек тоя инде. Иртән үк берәрсе белән талашса, көне буе балкып, елмаеп, бәхетле булып, башкаларны да нурга күмеп йөри. И, аның әйбәтлекләре! Нәрсә сорасаң, шуны бирергә, нәрсә кушсаң, шуны үтәргә мөмкин. Ул изгелектән генә торган кебек. Шул рәвешле шатлык хисләрен исраф итеп бетерә дә моңсуланып кала. Күңелсезләнә. Аңа тагын кем беләндер талашырга кирәк. Талашмаса, башы авырта башлый, чиргә сабыша.
Аяк астында уралып йөргән песине тибеп очырырга мөмкин, телевизор аша берәр депутат, яки президентның үзе белән талашырга. Радио белән. Телефон белән. Интернетта кара комментлар язарга. Ләкин боларның берсе дә файда бирми. Аңа кеше кирәк. Тере кеше. Хәтта ниндидер беткәнбаш адәм дә түгел. Ну, нәрсә әйтсәң дә башын иеп тыңлап тора торган мескен белән ни ләззәте бар инде талашуның?! Үткән-сүткән саен бәйләнсә дә, мине дә яратмый ул. Миннән файда юк. Нәрсә инде мин... Бик ныкышса, гуманитар ярдәм йөзеннән генә бер ике сүз әйтергә мөмкинмен. Һәм вәссәлам. Үзе кебек очкын чәчрәтеп торган зат кирәк. Менә шуны кабындырып җибәрә икән, ул инде кабат үз җиһанына кайта. Кабат бәхетле була.
Әле күптән түгел генә берәү күрше булып күченеп килде. Хатын-кыз. Ире бар микән, белмим. Әлегә күренмәде. Атна-ун көн чамасы мыштым гына йөрде бу. Аннары минем күрше моның кылын тартып карады. Кыска вакытлы кискен конфликт булып алды. Бераздан тагын. Һәм ахырда боларның характерлары туры килгәнлеге ачыкланды. Хәзер инде бөтен эшләре җайга салынган. Иртә белән әле берсенә, әле икенчесенә кереп, ду килеп талашалар да көне буе бәхетле булып йөриләр, бертуганнар кебек аралашалар, бер-берсенә ярдәм итәләр. Ә кич җиткәч, тагы талашалар. Һәм бәхетле булып йокларга яталар. Икенче көн тагын җайланган маршрут буенча бара. Икесе дә бәхетле.
Кешеләр төрле булган кебек үк, аларны бәхетле итү юллары да төрле була.
Читайте нас:
© 2019-2024 “KizilTan” электрон басмасы элемтә, мәгълүмат технологияләре һәм киңкүләм коммуникацияләр өлкәсендә күзәтчелек буенча федераль хезмәт тарафыннан теркәлгән.
Теркәлү саны: 2019 елның 24 маендагы Эл сериясе № ФС 77-75682.
Басманың яшь категориясе 12+
___________________
Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)
Регистрационный номер: серия Эл № ФС 77-75682 от 24 мая 2019 г.
Возрастная категория издания 12+
Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.
____________________
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Баш мөхәррир Фаил Камил улы Фәтхетдинов.
Кабул итү бүлмәсе телефоны: 8 (347) 272-13-61.
___________________
Главный редактор: Фатхтдинов Фаил Камилович.
Телефон приемной: (347) 272-13-61.
Телефон
8(347)272-13-61
Электрон почта
kyzyltan@mail.ru
Адресы
450079, Уфа шәһәре, Октябрьнең 50 еллыгы урамы, 13 нче йорт
Реклама хезмәте
8(347)272-62-27
Хезмәттәшлек
8(347)272-62-27