Сан белән түгел, нәтиҗәлелек белән алдыралар!

“Башнефть” республикада эксплуатацион бораулау күләмен 32 процентка арттырды.

Башкортстанда “кара алтын” яткылыклары күбесенчә Яңавыл, Калтасы, Туймазы районнарына туры килә. Нәкъ шуңа да әлеге төбәкләрдә нефть кудыру корылмалары күп урнаштырылган, һәм алар илнең нефть сәнәгатен үстерүдә әһәмиятле роль уйный. Берничә ел эчендә республиканың аграр төньяк-көнбатыш өлеше сәнәгать тиз үсешүче террито­риягә әверелде: Нефтекама шәһәре барлыкка килде, Яңавыл, Дүртөйле яңа югарылыкка күтәрелде. 65 ел узгач та, Арлан, элеккечә үк, “Башнефть”нең төп активы булып тора һәм аның “Роснефть” компанияләре төркеме составында алга таба үсеше бу чыганактан нефть чыгару нәтиҗәләренә бәйле.

Тарихка күз салсак, Арлан нефть яткылыгы 1955 елда ачыла. Анда Калтасы районы “Башвостокнефтеразведка” контора­сының Шәрифҗан Сәхәпов бригадасы эш башлый. Арлан нефть яткылыгын ачу – Башкортстан нефть сәнәгатендә генә түгел, ә СССР тарихында да истәлек­ле вакыйга. 1944 елда Туймазы төбәгендә нефть запаслары күп булу ачыклана. Краснокама районының Әшит авылы янында да нефть яткылыгы табыла. Ләкин сулы бул­ганга күрә, аны сәнәгатьтә кулланып булмый. 1955 елның 24 ноябрендә бу урында янә эшләр башлана.
Арытаба биш елда колачлы эзләнүләр алып барыла һәм тагын 11 нефть ск­важинасы бораулана. Шуның өчен бу урын Арлан нефть яткылыгының чишмә башы дип санала. Аны үзләштерү зур тизлек белән бара. 1958 елда 94 мең тонна нефть чыгарылса, 1959 елда бу күрсәткеч 400 мең тоннага җитә. Шулай итеп, Ру­сиядә иң эре нефть яткылыклары ачыла.
Башкортстанда гына түгел, илебездә киң билгеле “Роснефть” структурасына кергән “Башнефть” компаниясе – республика территориясендә, 2019 елдагы белән чагыштырганда, узган елда эксплуатацион бораулау күләмен 32 процентка арттырды. Яңа скважина-ларның күбесе Арландагы иң зур “Башнефть” яткылыгында төзелгән.
Эксплуатацион скважиналарны бораулау нәтиҗәсендә компания Башкортстан Республикасындагы элекке яткылыкларда да нефть чыгару мөм-кин­лекләрен арттыра.
Русиядә иң эре ун нефть ком­паниясе исемлегенә кергән “Башнефть”нең Арлан яткылыгында 65 ел элек беренче фонтан ата. Ул чакта нефть запаслары 1,2 миллиард тонна дип бәя­ләнә. Аны эшкәртү елларында аннан 522 миллион тон­на нефть чыгарылган. Бү­ген аның өлешенә компания­нең республика территория­сендәге гомум табышының дүрттән бер өлеше туры килә.
Актив фәнни эзләнүләр, бораулау һәм нефть чыгаруның алдынгы технологияләрен га­мәлгә кертү углеводород чима-лының “карт” яткылыкларына хас булган акрынлап кимү тенденциясен үзгәртергә мөмкин­лек бирде. 2009 елдан Арлан яткылыгында нефть чыгару күләме ел саен арта бара. Бү­генге көндә еллык нефть чыгару күләме 2008 елдагы күрсәткеч­тән бер миллион тоннага артты.
Шул исәптән горизонталь скважиналарны бораулау тәҗ-ри­бәсен киңәй­теп һәм технологик яңалыкларны кертү нәти­җәсендә нефть чыгару кү­ләм­нәре генә түгел, аның нәти­җәлелеге дә артты. 2009 елдан “Башнефть-Добыча” тарафыннан эшкәртелә торган яткылыкларда нефть­нең уртача дебиты 73 процентка үскән. Арлан яткылыгында елына бер миллион тонна нефть чыгару күлә­ме арткан бер үк вакытта гамәлдәге нефть чыгару фонды бер мең скважинага кимегән. Бу углеводородлар чыгаруның үз-кыйммәтен шактый киметүгә ире­шергә мөмкинлек биргән.
Шунысы куанычлы: быел “Башнефть” республиканың эксплуатацион бораулау күләмен тагын да арттырырга ниятли. Ел ахырына кадәр эшкәртелүче яткылыкларда 203 яңа скважина сафка кертеләчәк, тагын 84 скважинага горизонталь “кәүсә­ләр” тоташтырылачак. Бу иске скважиналарны эшләтү срогын озынайту өчен эшләнә. Быел горизонталь скважиналар өле­ше 95,6 процентка кадәр арттырылачак. Узган елда бу күр-сәткеч 86,3 процент тәшкил ит-кән.
“Башнефть” компаниясе хез-мәткәрләрен шушы күркәм юбилей белән котлыйбыз! Тагын да зуррак нәтиҗәләргә ирешү­ләрен теләп калабыз!

Лилия Галина.