-18 °С
Болытлы
Гәзиткә язылуVKOKTikTokINSTAGRAM
Барлык яңалыклар
Икътисад
28 сентябрь 2021, 19:50

Колл-үзәк ничек эшли?

22 сентябрьдән эшли башлаган Уфаның оператив штабының тәүлек буе эшли торган колл-үзәге телефон һәм Интернет аша 3,5 меңнән артык тематик мөрәҗәгать алган.

Колл-үзәк ничек эшли?

Шәһәр хакимиятендә хәбәр итүләренчә, халыкның проблемалары уртача 6-12 сәгать эчендә хәл ителә.

Яңа структура катлаулы хәлләргә тиз арада җавап бирергә мөмкинлек бирә: операторлар кирәкле инстанцияләргә оператив рәвештә запрослар җибәрә һәм аларның үтәлешен контрольдә тота. Колл-үзәк эше өчен махсус программалар белән тәэмин итү булдырылган.

- Һәр шалтырату өчен оператор үзенең электрон карточкасын ача һәм, тематикасына карап, аны идарәче яки ресурс белән тәэмин итүче оешмага тапшыра, я теге яки бу нормаларны һәм законнарны аңлатып, үзе яба, — дип аңлатты Уфа шәһәренең тормыш эшчәнлеген тәэмин итү идарәсе башлыгы Антон Тристан. - Бүгенге көндә гаризаларның 90 проценты җылылык бирү һәм системаның һава торышы тематикасына керә.

Антон Тристан сүзләренә караганда, көн ахырында иң катлаулы гаризаларның 10 проценты башкарылган эш нәтиҗәләрен контрольдә тоту өчен операторлар тарафыннан игълан ителә.

Хәзер колл-үзәктә 9дан 19 сәгатькә кадәр 7 кеше эшли, моннан тыш, Гражданнарнв саклау идарәсенең дежур операторлары шалтыратуларны кабул итә. Соңгылары "кайнар линия"дә кичен һәм төнге сәгатьләрдә кизү тора. Уртача алганда, бер шалтыратуны кабул итү якынча 3 минутны ала. Кирәк булган очракта, сөйләшүгә Гражданнарны яклау идарәсенең кизү психологы да тоташтырыла.

Җылылык өчен түләү буенча сораулар арту сәбәпле, колл-үзәк операторларының санын 14 кешегә кадәр арттыру планлаштырыла. Кышын ул җылылык темасы буенча гына эшләмәячәк, шулай ук территорияне кардан чистарту буенча да гаризалар кабул итә башлаячак.

- Без туплаган тәҗрибә шәһәребезнең башка актуаль темаларына да кагылачак, - дип белдерде Уфа хакимияте башлыгы Сергей Греков.

Фото: Башинформ

Автор:Ример Насретдинов