Төзелеш тармагы ничек үсешә?

Башкортстанда 2030 елга торак тапшыру күләмен ел саен 4 миллион квадрат метрга җиткерү бурычы куелды.

Башкортстан Хөкүмәте Премьер-министры Андрей Назаров Мәскәүдә Русия һәм БДБ илләре Төзүчеләре ассоциацияләре берлеге съезды утырышында катнашты. Министрлар кабинеты башлыгы бер ел элек Уфада “Транспорт һәм төзелеш” халыкара конгрессы барышында Бәйсез Дәүләтләр Берлеге һәм Русиянең Төзүчеләр ассоциацияләре берлеген булдыру турында карар кабул ителүен билгеләде. Бу мөһим башлангычны ул вакытта Белоруссия, Үзбәкстан һәм Таҗикстан, Краснодар крае, Мәскәү төзүчеләре хуплады. Бүген Казахстан, Азәрбайҗан, Кыргызстан, Татарстан Республикасы вәкилләре кушылды. Казахстанда булачак “Иннопром” форумына республика төзүчеләрне дә кертеп, зур делегация әзерли.

– Бүгенге съезд Русия Дәүләт думасының профильле комитеты ярдәме белән оештырылды. Геосәяси тотрыксызлык һәм санкцияләр чикләүләре шартларында мондый интеграцион форматлар төзелеш тармагының актуаль проблемаларын гына түгел, ә алга таба үзара үсеш перспективаларын да тикшерү өчен яхшы мөмкинлекләр тудыра. Бүген төзелеш өчен берничә глобаль тенденция хас. Бу – кыйммәтләрне яңадан бәяләү, ресурсларның бәясен арттыру һәм интеграция процессларын көчәйтү, – диде Премьер-министр.

Андрей Назаров сүзләренчә, үсә барган интеграция территорияләрнең бәйлелеген көчәйтүгә, инфраструктура төзелешен һәм агломерацияләрне киңәйтүне активлаштыруга сәбәпче булган.

Башкортстанның Төзүчеләр ассоциациясе 2021 елның мартында төзүчеләр мәнфәгатьләрен яклау һәм власть белән диалогны үстерү максатында оештырылган. Төп бурыч – торак төзелешен үстерү өчен оптималь шартлар формалаштыру. Эшнең нәтиҗәсе булып төзелеш комплексын үстерүнең яңа стратегиясе тора. Девелоперлык проектларын гамәлгә ашырганда социаль һәм инженерлык инфраструктурасын булдыру механизмнары эшләнгән.

– Төзүчеләрне кечкенә шәһәрләрдә һәм авылларда торак төзелешенә активрак җәлеп итә башладык. “Кулланучылар экстремизмы” проблемасын хәл итү юлларын өйрәнәбез. Инвестиция-төзелеш циклын гадиләштерү һәм кыскарту өстендә эшлибез. Башкортстан өчен мондый үзара эш итү форматы бик мөһим. Республика торак тапшыру күләме буенча алдынгы позициядә тора. 2022 елда рекордлы 3 миллион квадрат метр торак төзү дәрәҗәсенә ирешелде. Быел 7 ай эчендә былтыргы шул чордагыдан 5 процентка күбрәк торак сафка тапшырылды. Ипотека кредитлавы актив үсеш ала. Узган ел белән чагыштырганда, ул икеләтә артты. “Алданган өлешчеләр” проблемасын хәл итүдә шактый алга киттек. 8 меңнән артык өлешченең хокуклары тергезелде. Төзүчеләрнең актив ярдәме белән 93 мең квадрат метрдан артык авария хәлендәге торакта яшәүчеләрне яңасына күчердек, – дип ассызыклады Андрей Назаров.

Министрлар кабинеты башлыгы билгеләп үтүенчә, 2030 елга Башкортстан алдында ел саен 4 миллион квадрат метр торак файдалануга тапшыру бурычы тора. Шуңа күрә төзелеш өчен участокларны инфраструктура белән тәэмин итү мөһим. 2019 елдан республика “Стимул” федераль программасында актив катнаша һәм бу вакыт эчендә федераль акчаларны җәлеп итү буенча Русия төбәкләре арасында лидер булды – 12 миллиард сумнан артык.

Узган ел бюджет кредитлары механизмын кулланып, ике эре инфраструктура проекты эшли башлады. Финанслауның гомум күләме 19,6 миллиард сум тәшкил итте. Шәһәр төзелеше потенциалын арттыруның яңа инструментлары, шул исәптән территорияләрне комплекслы үстерү актив кертелә. Торак төзелешендә югары нәтиҗәләр, яңа алымнарны динамикалы рәвештә кертү Төзүчеләр ассоциациясе белән хезмәттәшлек нәтиҗәсе булып тора.

– Халыкара Төзүчеләр ассоциацияләре берлеге компетенцияләрнең бердәм үзәгенә әвереләчәк, аңа төзүчеләр ассоциацияләреннән мәгълүмат, статистика мәгълүматлары җыелмасы керәчәк. Берлекнең бурычларының берсе – торак төзелеше өлкәсендә халыкара һәм инновацион, инвестицион башлангычларга ярдәм итү механизмнарын һәм инструментларын формалаштыру, төзелеш өлкәсендә алдынгы тәҗрибә уртаклашу, төзелешнең яңа технологияләрен кертү, шулай ук яңа базарларга чыгу, – диде утырышның модераторы, Башкортстанның Төзүчеләр ассоциациясе директоры Адель Сәйфуллина.

Андрей Назаров белдерүенчә, бүген бу өлкәдә дәүләтара төзелеш нормаларын әзерләү ихтыяҗы туды.

– Эшчеләрнең һәм инженер-техник персоналның квалификациясен бәяләү системаларын, шулай ук мәгълүмати модельләштерү технологияләрен берләштерү мөһим, – диде Премьер-министр.
Съезд эшенең нәтиҗәсе буларак халыкара Төзүчеләр ассоциацияләре берлеге оештырылачак, аның рәисе итеп Башкортстан Төзүчеләр ассоциациясенең башкаручы директоры Адель Сәйфуллина сайланды.

Ример НАСРЕТДИНОВ.

Автор:Ример Насретдинов

Читайте нас:

Новости партнеров

Был стипендия кемдәргә түләнә?

На уровне молекул

Азык-төлеккә талон системасы кертелергә мөмкин

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27