-3 °С
Болытлы
Гәзиткә язылуVKOKTelegram
Барлык яңалыклар
Иман
27 июль 2021, 11:45

Локман Хәким нәсыйхәтләре

Локман Хәким – Коръәндә искә алына торган хикмәт иясе. Ул кара тәнле, ямьсезрәк чырайлы кеше булса да, бик акыллы, нык иманлы, тәкъва булуы белән аерылып торган.

Локман Хәким нәсыйхәтләре
Локман Хәким нәсыйхәтләре
Көннәрдән бер көнне аннан киңәш алырга дип килгән бер кеше, хикмәт иясенең иләмсезлегенә аптырап, түзми һәм: “Йөзең шундый ямьсез, килбәтсез икән!” – дип әйтеп куя. Моңа каршы исә Локман Хәким болай ди: “Син минем йөземне тәнкыйтьлисеңме, әллә аны бар кылган Раббым Аллаһы Тәгаләнеме?” Башка кешеләр я уңайсызланып, я ачуланып калган шундый очракларда хикмәт иясе менә шундый тирән мәгънәле җаваплар биргән.

Локман Хәкимнең менә тагын бер нәсыйхәте: “Намазда булсаң – йөрәгеңне сакла. Кешеләр җыелган урында булсаң – телеңне сакла. Чит өйдә булсаң – күзеңне сакла. Табын артында булсаң – ашказаныңны сакла.

Ике нәрсәне онытып, беркайчан да искә алма: үзең кылган игелекне һәм сиңа эшләнгән явызлыкны”.

Фото: pixabay.com.

 

Автор:Фануз Хабибуллин
Читайте нас: