+8 °С
Ачык
Барлык яңалыклар
Мәдәният һәм сәнгать
5 сентябрь 2021, 17:30
“У кинде пайрем”не күрдек
Илестанбәктә Илья көненә багышланган чара узды.
“У кинде пайрем”не күрдек
Православие динен тотучылар Илья көнен билгеләгәндә марилар “У кинде пайрем” – уңыш бәйрәмен үткәрә. Аның хөрмәтенә Илестанбәк авылында зурлап чара оештырдылар.
Быел биредә район күләмендә “Семык” бәйрәме булган иде. Аңа әзерлек барышында каенлыкта сәхнә төзеделәр, эскәмияләр урнаштырдылар, хәтта “Читән үрү” биюе өчен такта җәйделәр. Шулай итеп, ачык һавада бер дигән “концерт залы” барлыкка килде. Уңыш бәйрәмендә исә сый-нигъмәттән сыгылып торган озын өстәл дә тора – тәмледән-тәмле ризыкларны һәр хуҗабикә үзе әзерләп алып килә: кем нәрсәгә оста инде. “Әмма табында тәбикмәк һәм талкан мотлак булырга тиеш”, – дип аңлата ханымнар.
Бәйрәм башланды. Сәхнәгә урындагы йолдызлар – Олеся Шипаева җитәкчелегендәге “Йогын вуд” ансамблендә катнашучылар чыкты. Ике ир-ат гармун һәм тумырда уйнады, сигез хатын-кыз биеде һәм җырлады. Аларның һәр чыгышы үзенчәлекле, кызыклы булды. Күпчелек мари телендә сөйләшсәләр дә, барысы да аңлашылды.
Менә сәхнәгә алып баручы, шул ук Олеся Шипаева, чыкты: аның һәм ансамбльдәге ханымнарның кулларында – көлтәләр. Димәк, бәйрәмнең килеп чыгышы турында сөйлиләр, ә ул, тәү чиратта, бөртеклеләрнең уңышы белән бәйле. Аннары сәхнәгә Евгений Шипаев менде: аның бәйрәмнең дини өлешен аңлатып бирүе һәм барысына да тынычлык, иминлек, муллык теләве сүзсез дә аңлашылды.
Бәйрәмдә урындагы фермерларны хөрмәтлиләр. Мүзәк авыл биләмәсендә авыл хуҗалыгы предприятиеләре юк, крестьян (фермер) хуҗалыклары исә бишәү.
– Нишләп без җирдә эшлибезме? Чөнки шунда туып-үстек, гомеребез буе авылда яшәдек. Тумышыбыз белән Калтасы районыннан без. Аннары Свердловск өлкәсенә чыгып киттек. Анда да совхоз бар иде. Аннары бирегә – Краснокамага кайттык – шулай ук җирдә эшләдек. Башка эшләр белән шөгыльләнеп карадык, әмма җирдән аерылып булмый. Без 1,5 миллион сумлык республика гранты алдык. Шул акчага җиһазлар сатып алып, сыер малы һәм кош-корт өчен катнашазык чыгара башладык. Малларны туйдырыр өчен игенчелек белән шөгыльләнергә туры килде, чөнки мал азыгын башкалардан кыйммәткә сатып аласы килмәде. Үзең үстергән азык барыбер арзанракка төшә, – ди үзе турында Олег Баймурзин.
Биләмә фермерларына һәм актив кешеләргә Мүзәк авыл биләмәсе башлыгы Людмила Әхмәтшина Рәхмәт хатлары һәм бүләкләр тапшырды. Әйткәндәй, Людмила Алексеевна илестанбәклеләр белән рәхәтләнеп тыпырдатып биеде. Аннары биюгә тамашачылар да төште. Хәтта әбекәйләр дә. Мари әбиләренә хас булганча, алар барысы да милли киемнән килгән. Акцияләр, флешмоблар мәҗбүриләве буенча түгел, ә йөрәк кушуы буенча.
Ирина Вәлиева.
Краснокама районы.
Быел биредә район күләмендә “Семык” бәйрәме булган иде. Аңа әзерлек барышында каенлыкта сәхнә төзеделәр, эскәмияләр урнаштырдылар, хәтта “Читән үрү” биюе өчен такта җәйделәр. Шулай итеп, ачык һавада бер дигән “концерт залы” барлыкка килде. Уңыш бәйрәмендә исә сый-нигъмәттән сыгылып торган озын өстәл дә тора – тәмледән-тәмле ризыкларны һәр хуҗабикә үзе әзерләп алып килә: кем нәрсәгә оста инде. “Әмма табында тәбикмәк һәм талкан мотлак булырга тиеш”, – дип аңлата ханымнар.
Бәйрәм башланды. Сәхнәгә урындагы йолдызлар – Олеся Шипаева җитәкчелегендәге “Йогын вуд” ансамблендә катнашучылар чыкты. Ике ир-ат гармун һәм тумырда уйнады, сигез хатын-кыз биеде һәм җырлады. Аларның һәр чыгышы үзенчәлекле, кызыклы булды. Күпчелек мари телендә сөйләшсәләр дә, барысы да аңлашылды.
Менә сәхнәгә алып баручы, шул ук Олеся Шипаева, чыкты: аның һәм ансамбльдәге ханымнарның кулларында – көлтәләр. Димәк, бәйрәмнең килеп чыгышы турында сөйлиләр, ә ул, тәү чиратта, бөртеклеләрнең уңышы белән бәйле. Аннары сәхнәгә Евгений Шипаев менде: аның бәйрәмнең дини өлешен аңлатып бирүе һәм барысына да тынычлык, иминлек, муллык теләве сүзсез дә аңлашылды.
Бәйрәмдә урындагы фермерларны хөрмәтлиләр. Мүзәк авыл биләмәсендә авыл хуҗалыгы предприятиеләре юк, крестьян (фермер) хуҗалыклары исә бишәү.
– Нишләп без җирдә эшлибезме? Чөнки шунда туып-үстек, гомеребез буе авылда яшәдек. Тумышыбыз белән Калтасы районыннан без. Аннары Свердловск өлкәсенә чыгып киттек. Анда да совхоз бар иде. Аннары бирегә – Краснокамага кайттык – шулай ук җирдә эшләдек. Башка эшләр белән шөгыльләнеп карадык, әмма җирдән аерылып булмый. Без 1,5 миллион сумлык республика гранты алдык. Шул акчага җиһазлар сатып алып, сыер малы һәм кош-корт өчен катнашазык чыгара башладык. Малларны туйдырыр өчен игенчелек белән шөгыльләнергә туры килде, чөнки мал азыгын башкалардан кыйммәткә сатып аласы килмәде. Үзең үстергән азык барыбер арзанракка төшә, – ди үзе турында Олег Баймурзин.
Биләмә фермерларына һәм актив кешеләргә Мүзәк авыл биләмәсе башлыгы Людмила Әхмәтшина Рәхмәт хатлары һәм бүләкләр тапшырды. Әйткәндәй, Людмила Алексеевна илестанбәклеләр белән рәхәтләнеп тыпырдатып биеде. Аннары биюгә тамашачылар да төште. Хәтта әбекәйләр дә. Мари әбиләренә хас булганча, алар барысы да милли киемнән килгән. Акцияләр, флешмоблар мәҗбүриләве буенча түгел, ә йөрәк кушуы буенча.
Ирина Вәлиева.
Краснокама районы.
Читайте нас:
© 2019-2024 “KizilTan” электрон басмасы элемтә, мәгълүмат технологияләре һәм киңкүләм коммуникацияләр өлкәсендә күзәтчелек буенча федераль хезмәт тарафыннан теркәлгән.
Теркәлү саны: 2019 елның 24 маендагы Эл сериясе № ФС 77-75682.
Басманың яшь категориясе 12+
___________________
Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)
Регистрационный номер: серия Эл № ФС 77-75682 от 24 мая 2019 г.
Возрастная категория издания 12+
Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.
____________________
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Баш мөхәррир Фаил Камил улы Фәтхетдинов.
Кабул итү бүлмәсе телефоны: 8 (347) 272-13-61.
___________________
Главный редактор: Фатхтдинов Фаил Камилович.
Телефон приемной: (347) 272-13-61.
Телефон
8(347)272-13-61
Электрон почта
kyzyltan@mail.ru
Адресы
450079, Уфа шәһәре, Октябрьнең 50 еллыгы урамы, 13 нче йорт
Реклама хезмәте
8(347)272-62-27
Хезмәттәшлек
8(347)272-62-27