-19 °С
Болытлы
Гәзиткә язылуVKOKTelegramЯRus
Барлык яңалыклар

Ә сезнең парк нинди булачак?

Республика Башлыгы Радий Хәбиров социаль челтәрләрдәге битендә уфалыларга шәһәр паркларын төзекләндерү турында сораштыруда үз фикерен белдерергә тәкъдим итте. Ул аңа беренче чиратта нинди паркларны төзекләндерергә кирәклеген аңларга кызык булыр иде, дип язган.

Ә сезнең парк нинди булачак?
Ә сезнең парк нинди булачак?

Бу хакта Уфа хакимиятенең архитектура һәм шәһәр төзелеше идарәсе начальнигы урынбасары Ольга Сарапулова болай ди:

- Иң мөһиме — паркта велосипедчылар, җәяүлеләр өчен комплекслы инфраструктура булдыру. Парклар үзләре генә уңайлы, чиста һәм төзекләндерелгән булырга тиеш түгел, аларга барыр юл да балалар өчен уңайлы, җәяүлеләр өчен хәвефсез булырга тиеш. Мин күбрәк комплекслы шәһәр системаларын булдыру ягында.

Без мәйданнарны, урамнарны, җәяүлеләр юлын, бульварларны үстерү турында да уйларга тиеш. Уфада мондый киңлекләр җитми, чөнки алга киткән иҗтимагый киңлекләр булу — шәһәрнең башкала билгесе. Минемчә, Уфада кешеләр очраша, вакытларын үткәрә, үз-үзләрен күрсәтә алырлык киңлекләр җитми.

Теләсә кайсы территориягә, паркмы ул, мәйданмы, ураммы, яки гади җир участогымы, нинди дә булса үзгәрешләр керткәнче шәһәрдәге хәлне комплекслы аңларга кирәк.

Шуңа бәйле рәвештә, тулаем алганда, шәһәрнең иҗтимагый киңлекләрен үстерү стратегиясенә, транспорт схемасына, рекреацион каркаска, һәр киңлекнең үз функциясе барлыкка килсен өчен, сылтама ясарга кирәк. Алар, нигездә, тарихи яктан территорияләргә беркетелгән һәм нинди дә булса рекреацион зоналар шундый булып калырга тиеш, аларны артык активлык белән тулыландырырга кирәкми.

Минем фикеремчә, бу мәсьәләгә акыл белән карарга, шулай да теге яки бу территориянең ихтыяҗларын комплекслы бәяләргә кирәк.
 
Фото: "Башинформ"


Автор:Резида Валитова
Читайте нас в