-4 °С
Болытлы
Гәзиткә язылуVKOKTelegram
Барлык яңалыклар
Новости
28 август 2021, 19:22

Киләчәккә юл - биредән

WorldSkills Russia чемпионатының өченче көне бик эчтәлекле һәм эшлекле узды.

Киләчәккә юл - биредән
Киләчәккә юл - биредән

Игътибар үзәгендә «Остазлыкның иң яхшы практикалары» конкурсы лауреатлары булды. Анда Башкортстанда «Хезмәт җитештерүчәнлеге» гомумдәүләт проекты тормышка ашырыла торган предприятиеләр катнашты. Бәйге беренче тапкыр үткәрелде, моннан соң ул ел саен үткәрелә.

"ОЗНА-Инжиниринг" фәнни-җитештерү предприятиесе " җәмгыяте I дәрәҗә Дипломга лаек булды. Икенче урында – «Нефтекама ясалма күн җитештерү берләшмәсе», өченче урында - «Благовещен арматура заводы» җәмгыяте. Җиңүчеләр 2021 елның дүртенче кварталында узачак остазлык конкурсының Бөтенрусия этабында катнашачак.

Башкортстан Республикасы Русия буенча дәрәҗәле топ-5кә керде. Моннан тыш, WorldSkills стандартлары буенча демонстрацион имтиханда катнашучылар 100 процентка тапшырган төбәкләр исемлегендә дүртенче урынны алды. Рейтингның беренче өч баскычында - Мәскәү, Түбән Новгород һәм Самара өлкәләре. Якын арада мондый демонстрацион имтиханнар илнең барлык колледжларында һәм техникумнарында мәҗбүри булырга мөмкин.

Шунысы куанычлы, Уфаның кайбер колледжларында конкурс быел югары уку йортларына караганда югарырак булды. Бу хакта «Эр-Телеком Холдинг» B2G проектлары җитәкчесе Искәндәр Мәхмүдов белдерде. Аның сүзләренә караганда, бүген эш бирүчегә хезмәт һәм сәүдә өлкәсендә вакансияләр бик тиз ябыла. Эшче белгечлекләр белән эш күпкә катлаулырак.

Башкортстан башкаласы да эшлекле программа кысаларында дан порциясен алды: кичә шәһәрнең өч үлчәмле моделе проекты тәкъдим ителде. Әлеге уникаль мәгълүмат продукты "Геоскан" компанияләр төркеме тарафыннан эшләнгән. Нәтиҗәгә объектларны пилотсыз очкычлардан билгеле бер ешлыкта төшерелгән фотографияләрне файдаланып ирешелгән. «3D-Уфа» пилот проектын Башкортстан җитәкчелеге югары бәяләде, планда – бөтен республиканың 120 квадрат километрга өч үлчәмле моделен булдыру.

Фото: "Башинформ"

#WorldSkillsRussia #Нацфинал2021 #НацфиналУфа

 

 

Автор:Резида Валитова
Читайте нас в