“Никифар Анискины”

Шушы көннәрдә кулыма очраклы рәвештә Башкортстан Эчке эшләр министрлыгы нәшер иткән “Криминаль спектр” гәзите килеп эләкте. Күземә таныш исем чалынды. “Әлшәй районы эчке эшләр бүлегенең участок инспекторы, милиция майоры Илгизәр Шәяхмәтовка штат расписаниесе буенча биләгән вазыйфасыннан бер баскычка югары булган “милиция подполковнигы” званиесе бирелде” дигән юллар мине битараф калдырмады. Монда сүз Никифарда яшәүче һәм унынчы ел рәттән шул зонада участок инспекторы булып эшләүче Илгизәр Хәмит улы хакында бара иде.Сер түгел, халык бездә погонлы кешеләрне бик өнәп бармый. Ә менә Шәяхмәтов турында авылдашларымнан бер начар сүз дә ишетергә туры килмәде. “Бик таләпчән”, “артык гадел” кебек сүзләр ишетелгәләп тора торуын. Әмма алары милиция хезмәткәренә карата әйтелгән очракта бары тик “шәп егет!”кә тиң бит инде.

— Кайсы вакыт таләпчән дә, гадел дә булуы бик авыр — дөнья бит ул! — ди мин шул турыда сүз кузгаткач милиция подполковнигы.
Күптән түгел аңа урындагы хуҗалык җитәкчесеннән салам урлаулары турында гариза килә. Факт ачыклана: саламны рәис рөхсәтеннән башка алырга барган кеше тотыла. Бер яктан, чара күрергә — таләпчән булырга кирәк кебек. Әмма икенче яктан караганда, “җинаять” юктан бар ителгән. Язын барыбер яндырыласы саламны шул хуҗалыкның агрономы рөхсәте белән генә күрше авыл фермеры төяп кайтарган. Әйткәндәй, бер ялгызы ике бала үстерүче бик тырыш яшь хатын. Күрәсең, үзенә баш иеп килмәве рәиснең ачуын кабарткандыр. Рәис ризасызлыгын күреп, агрономы да үз “фатыйха”сыннан ваз кичә. Җилнең кайсы тарафтан искәнен бик яхшы аңлап торган участок инспекторы әлеге очракта таләпчән дә, гадел дә булып калырга тиеш бит инде!
...Менә шуның ише вакыйгалар җитәрлек “Никифар Анискины” эшчәнлегендә. Алар аңа кешеләрне ныграк аңларга, кемнең кем икәнлеген күрә белергә ярдәм итә. Бу Илгизәр Хәмит улына урыны белән таләпчән, әмма һәрвакыт гадел булып калырга мөмкинлек бирә. Халык ихтирамы бары шулай гына яулана.

Читайте нас:

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27