+12 °С
Ачык
Гәзиткә язылуVKOKTelegramЯRus
Барлык яңалыклар
Җәмгыять
29 гыйнвар 2015, 21:12

Аның бәхет формуласы – гармониядә яшәү

Күренекле журналист Фирдәвис Җиһаншинга 75 яшь.Фирдәвис Җиһаншин Уфа шәһәрендә дөньяга килгән. Башкортстан дәүләт университетының, хәзерге роман-герман филологиясе факультетын “инглиз теле” белгечлеге буенча тәмамлый.

Балачагын Фирдәвис тыныч, матур табигатьле Беломорскийда, кечкенә авыл йортында үткәрә. Әтисе 1942 елда фронтта һәлак була. Биш баланы ялгыз үстергән әнисе кыз һәм улларын кешелекле булырга өйрәтә. Фирдәвиснең балачагы сугыш һәм сугыштан соңгы чорга туры килә, ул өл­кән­нәр белән беррәттән ачлык, ялангачлык, ярлылык газапларын татый. Әмма күңелен төшерми, барлык авырлыкларны да җиңеп чыга. Инглиз теле факультетын тәмамлагач, ул үзен журналистика һөнә­рендә таба. Мәскәү журналисты Анатолий Речмедин әйтүе буенча, Фирдәвис Җиһаншин гади производство темасын да мавыктыргыч тәкъдим итә белә. “Җиһаншинның әңгәмә кору осталыгы турында ри­ваятьләр дә чыгаралар. Ул һәр әңгәмәгә тырышып әзерләнә, һәр теманы ныклап тикшерә һәм мине ихлас сокландыра”, – ди Александр Речмедин.
Еллар узу белән Фирдәвис үзен сатира һәм юмор өлкә­ләрендә дә танытты. Аның “Мысли вслух” дигән рубрикасы еш кына шәһәр, республика һәм Русия гәзитләре битлә­рендә урын алып тора. Үзенең яшенә һәм көнкүреш авырлыкларга карамыйча, ул һәр көн­нән үзенә генә түгел, якыннарына, туганнарына, дусларына һәм бөтенләй таныш булмаган кешеләргә дә куаныч, ямь-тәм таба белә. Фир­дәвис спорт белән дә шөгыль­ләнә, яшь чагындагы яраткан мавыгуына өстенлек бирә – йөгерә, чаң­гыда йөри, футбол уйный. Аңа кызыгып күршелә­ре дә чаң­гыда йөрер­гә, яисә стадионда йөгерергә чыга. Аның тагын бер шөгыле – “табигать белән сөйләшү” һәм балык тоту. Фир­дәвис Җиһан­шинның өендә агачтан, таштан эшлән­гән кул эшләре күп. Шәһәрдәге фатирындагы махсус шүрлектә бегемот һәм филне, “йоклаган” бал кортларын һәм башка экспонатларны күрергә була.
Фирдәвис Җиһаншинның үз бәхет формуласы бар, аны гади генә көнкүрештән чыгарып була: уңай яклар санын кире яклар санына бүләсең. Әгәр дә уңай сан чыкса, кеше бәхетле була, әгәр дә уңай булмаса – “бәхетен үз кулыннан очырган” дигән сүз.
Аның яшәү формуласы – дөнья белән гармониядә булу.
Җиһаншинның юмористик миниатюралары, карикатуралары, журналистлык иҗаты күп тапкырлар дипломнар һәм грамоталар белән билгеләнгән.
Ул берничә китап авторы. Күренекле журналист бүген дә фидакарь хезмәттә, аның йөрәге иҗат дәрте белән тибә.
Читайте нас в