Янгынны кисәтү хәерле

Чараны Хөкүмәт Премьер-министры урынбасарлары Марат Мәһәдиев һәм Илдар Тимергалин, урман хуҗалыгы министры Динир Әхмәтҗанов, Русия Гадәттән тыш хәлләр министрлыгының Башкортстан буенча Баш идарәсе начальнигы урынбасары Марат Латыйпов үткәрделәр. Чарада барлыгы 76 кеше һәм 18 берәмлек техника катнашты.
Мондый күнекмәләрнең төп максаты — урманнарны янгыннан саклау системасын камилләштерү һәм тәҗрибә туплау, үзара бәйләнеш, урман янгыннарын сүндергәндә мәгълүмат тарату системасын тикшерү.
Илдар Тимергалин билге­ләвенчә, Башкортстанда Төбәк диспетчерлык хезмәте тәүлек әйләнәсенә эшли, урман янгыннарын сүндерү юнәле­шендә 108 җитәкче әзерләнгән, вәкаләтле дәүләт власте органнары, авыр техника белән тәэмин итү буенча урман хуҗалыгы предприятиеләре һәм оешмалары белән ведомствоара, шулай ук, республика чигендә урнашкан урманнарда хәвефсезлек һәм янгын сүндерү чараларын үтәүдә үзара хез­мәттәшлек турында ки­лешүләр төзелгән.
Үз чыгышында Динир Әх­мәтҗанов иң мөһим чаралар­ның берсе — янгын хәвефе сакланган чорда урманда үзеңне тоту кагый­дәләрен пропагандалауда халык белән эшләүне ассызыклап үтте. Соңгы елларда Урал аръ­ягының көньяк, шул исәптән, Баймак, Бөрҗән, Зилаер, Зианчура, Канани­кольск, Күгәрчен һәм Хәйбулла районнарында урман янгыннары очраклары еш күзәтелгән. Шуңа күрә әлеге районнар территорияләрендә урнашкан янгын-химик стан­цияләренә яңа МТЗ-82 тракторларын тапшыру турында карар кабул ителде. Әлеге укулар урман янгыннарын сүндергәндә барлык хезмәт­ләрнең дә көйле эшләвенә булышлык итәчәк.
Илдар Тимергалин сүзлә­ренә караганда, кайбер җитеш­сезлекләр дә бар. Мәсәлән, Бөрҗән, Күгәрчен һәм Хәй­булла урман хуҗалыкла­рында янгын хәвефе чорына әзерлек тәэмин ителмәгән, оештыру-техник чаралар үткәр­елмәгән.
— Барлык регламентларны, шул исәптән техниканы әзерләү һәм аны кышкы чорда саклау кагыйдәләрен үтәү зарур. Шуны да әйтеп үтәргә кирәк, кайбер янгын-химик станция водитель­ләре һәм механизаторлар техникага карата сакчыл мөнәсә­бәттә түгел, — диде Илдар Тимергалин.
Шулай ук, күнекмәләр барышында югары нәтиҗәле яңа буын очу аппаратларының мөмкинлекләре күрсәтелде.
Тоташ алганда, шартлы рәвештә урман янгынын сүн­дерү югары һөнәри дәрәҗәдә үтте.