Дәһшәтле көннәр мәңге хәтердә

Очрашуда ветеран да, укучылар да күз яшьләрен тыя алмады.Туймазы 1нче интернат-мәктәбендә 30 елдан артык 21нче гвардия Невель укчылар дивизиясе музее эшләп килә. Укытучылар, укучылар аны оештыруда һәм тулыландыруда зур көч куйган. Район һәм шәһәр балалары музейга килеп, төрле ядкәрләр белән таныша, сугышның коточкыч фаҗига булуын аңлый һәм Ватанны саклаучыларының батырлыгына соклана. Илебезнең төрле төбәкләреннән дивизия ветераннары мәктәп музеена очрашуга килә иде, кызганычка каршы бүген аларның сафлары сирәгәйде. Укучылар дивизия сугышчылары, аларның туганнары белән хат алыша, архив материалларын өйрәнә, ветераннар чакыруы буенча аларның өйләренә бара. Үткән елларда 21нче укчылар Невель дивизиясе санинструкторы, Дәүләкән районында яшәүче Анна Петрова янында кунакта булып кайту зур тәэсир калдырган булса, быел 93 яшьлек сугыш ветераны 1нче интернат-мәктәпкә очрашуга үзе килде.

Ржев шәһәре янында булган каты бәрелешләрдә катнашуын, яралылар күп булу сәбәпле, өчәр тәүлек йокысыз үткәрүен искә алды Анна Сидоровна. Зур көч таләп иткән бәрелешләргә 21нче дивизия сугышчылары җибәрелү очраклы түгел, ди ул. Чөнки дивизиянең күп өлешен Башкортстаннан (бигрәк тә Туймазыдан) чыккан якташларыбыз, татар-башкорт егетләре һәм кызлары тәшкил иткән. Алар үзләрен аямыйча, соңгы сулышка кадәр дошман белән алышкан.
Анна Сидоровна хезмәт иткән часть, Смоленск янында чолганышта калып, сугышчылар шул тирәдәге урманнарга таралырга мәҗбүр була. Марттан сентябрьгә кадәр, фашистлардан яшеренеп, ачлы-туклы йөрүләрен хәтерли ветеран. Сентябрьдә ул әсирлеккә эләгә. Минск шәһәрендә оештырылган концентрацион лагерьдан Мюнхенга җибәрелә. Анда гестапо вәхшиләренең әсирләрне кыйнаулары, мыскыл итүләре турындагы җан өзгеч истәлекләрне тыныч кына тыңлап булмый.
Балалар Анна Сидоровна өчен зур концерт программасы әзерләгән иде. 6“б” сыйныф укучылары 21нче Невель гвардия дивизиясе җырын башкарды. Чарада катнашучылар аны аягүрә басып тыңлады. 9нчы сыйныф укучылары дивизия сугышчылары турында сөйләде. 8нче сыйныфтан Гөлназ Фазлыйәхмәтова, 4“а” сыйныф укучыларының вокаль ансамбле сугыш җырларын башкарды. 6 “б” сыйныф укучысы Яна Сибәгатуллина “Шәфкать туташлары” шигырен сөйләде. Очрашуны Илүзә Сафина белән Алмаз Гыйльманов алып барды.

Зинфира НУРИСЛАМОВА,
1нче интернат-мәктәпнең директор урынбасары.

Читайте нас:

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27